kitornase ikiorsigik Gûtimut kanigtumik píssusekartuarkuvdlugit
OK’AUTSIT tûsintinit ikingnerussut atordlugit bîblilimik agdlagtut Jesusip inûnerata ukiue sujugdlît 30-t agdlauserait. oĸautsitdle ĸulilingnik tûsintigdlit atordlugit inûnerata ukiue kingugdlît sisamât ĸiterĸutdlugo agdlauseralugit. Jesusip inúngornera, mêraunera inûsugtûneralo pingârnerunatik kisiáne Jesusip Kristusip inungnut tamanut kivfartûteĸarnera pingârneruvdlune îvangkîliumik oĸalugtuane agdlauserineĸarpoĸ. Jesusivdle mêraunerane pisimassut bîbilime oĸalugtuaritdlatsiarneĸartut pâsitípâtigut mêránguit agdlât Gûtimut ĸanigtumik píssuseĸarsínauneránik.
bîbilime ĸúperaiguvta Lukasip nalunaerusiâne kapitale 2 atuardlugo, oĸalugtuarineĸarpoĸ Jesus 12-inik ukiulik nâlagfingme Gûtip inatsisainik „ajoĸersuissut akornáne igsiassoĸ“. „tusarnârdlugitdlo aperssortarai,“ táukuale tamarmik „sianíssusiagut akissarnerisigutdlo tupigingârpât“. (Lúkarse 2:46, 47) agdlagsimavortaoĸ timíkut agdliartortitdlune ilisimássutsimigútaoĸ pâsisimássutsimigútaoĸ agdliartortoĸ. — Lúkarse 2:40, 52.
anersâp pînik Jesusip soĸutigingningnera ĸanoĸ navsuiarneĸarsínauva? ilâtigut angajorĸâvisa tamána nersorneĸautigissariaĸarpât. jûtiugamik Jehovap mêrĸanik perorsainigssamik ilitsersûsiai maligtugssauvait. Gûtip pruvfîtia Moses oĸarsimavoĸ: „oĸautsitdlo máko uvdlume ilingnut inássutigissáka ũmámiugísavatit. puiugaunavêrsásavatitdlo ĸitornangnut oĸalûserísavdlugitdlo igdlungne igsiassarângavitdlũnît avĸusiníkutdlũnît ingerdlassarângavit, ínarângavitdlo makíkângavitdlo.“ (5 Môrsase 6:6, 7) ĸularnángitsumik Gûtip isumagâ ilaĸutarîngnut inássúmik tamatumínga malingnigkumásassunut ernerme inigssisimanigssâ. uvdlumíkut angajorĸât ĸitornatik taimatut soĸutigissariaĸarpait. ikiorpisigik Jehova ilisarerĸuvdlugo kivfartũkumarĸuvdlugulo?
’nâlungiángûnermit’
anersãkut perorsaineĸ mêrĸat inûsugtúngulerneránut kinguartíneĸásángilaĸ. ássersûtigalugo Timoteus inersimassúngorame kristumiûvoĸ nuimassoĸ. táunale ’nâlungiángûnerminit’ agdlagkanik ivdlernartunik ajoĸersorneĸartarpoĸ. (2 Timûtiuse 3:15, NW) tamána najorĸutaralugo anânaussut kristumiûssut ilait nâlungiarssutik milugtítínagit Jehovap pivdluarĸussinigssânik nipitûmik ĸínuteĸartarput. oĸalugsínauleriardlutigdlo mêrĸat táuko ĸinunerit naggatãne „ãmen“êrtarput! tamána avdlorĸârnerínauvoĸ angnikitsoĸ ikiorniardlugit anersãkut nunavdlo pîsigut tuníssutisianik Gûtimit pissamingnik tamanik pingârtitsinermik ineríkiartorterĸuvdlugit.
Michael Sephorahlo (arfineĸ mardlungnik arfineĸ pingasunigdlo ukiugdlit) takutitsíput angajorĸâmik ajúngitsumik perorsainerisa kingunerinik. ilãne, angajorĸâtigdlo autdlaleramik, nangmingneĸ isúmerdlutik Gûte ĸínuvigât sujulerssuinigssânik sernigssuinigssânigdlo. apûtdluaramigdlo mêrĸat Jehova ĸutsavigât tikitdluaramik.
Christian Ericilo (pingasunik arfinilingnigdlo ukiugdlit) angajorĸâtik ilagalugit nautsîvíssârssuarmĩput. mêránguit mêrĸat ilãne pissarnerátut támarput. angajorĸâvisa ĸanoĸ ilivdlutik navssârait? nukagpiaránguit Jehova ĸínuvigeriaramássuk ikiorĸuvdlutik!
mêrĸat mikissûgatdlartitdlutik ássigĩngitsunik perorsarneĸarsínáuput. kristumiut atautsimêrssuarneráne Belgiame pissume Gino pingasunik ukiulik issigingnârtitsivingmut isertíneĸarpoĸ igsiavingmutdlo portusûmut ingitíneĸardlune. oĸalugiartup ĸínuvigâ bîbilip atuagartaisa 66-iussut tamarmik taigûtait tusarnârtunut taerĸuvdlugit. ivdlit tamána sapíngiliuk? Ginop sapíngilâ! angajorĸâme perorsainerat agdliartordluautigiuarpâ, uvdlumíkutdlo Jehovap nalunaiaissuine nákutigdlîssûvoĸ angalassartoĸ. sôruname mêrĸat ilíniarnigssamingnut ássigĩngitsunik pigínáussuseĸarput, tamatumángale takuneĸarsínauvoĸ anersãkut perorsainerup iluaĸutigssartâ.
mêránguit bîbilime ajoĸersûtigineĸartunik agdlât pâsissaĸartíneĸarsínáuput. akimanerssuaĸarfingme Luxembourgime mêrĸanik pârĸingnigtarfingme Kaip sisamanik ukiugdlup mêraĸatine ĸinoĸatigiumángilai. suna píssutiginerâ aperineĸarame, akivdlune oĸarpoĸ: „uvagut gûtimut pingasunik teĸerĸoĸartumut ugpíngilagut!“ katûgdlit ajoĸersûtigissât gûte atausiuvdlunilo pingasûssoĸ Kaip ímaĸa kúkulârtumik oĸautigigaluarpâ, nãmagtumigdle pâsisimassaĸarpoĸ nalúsanago ĸínuvigísángíkine! — Mákorse 12:29.
Gûte mêrĸat inûneránut ilautísiuk
mêrĸat ilâtigut ajornartorsiuteĸartarput. issertorniarnagit angajorĸâtik tatigalugit ángîarfigissariaĸarpait. ãmátaordle mêrĸat kajumigsârneĸarsínáuput ’nanertûtigissatik Jehovamut túniuterĸuvdlugit’. (Tussiaat 55:23) pâsitíneĸarsínáuput Jehovap ĸínutigissait nikagísángíkai, ernerame, Jesus Kristus, oĸarpoĸ: „merdlertúnguit uvavnut ĸaigínardlit pitsaileĸinasigigdlo,“ (Mákorse 10:14) mêrĸatdlo ajoĸersorneĸásáput Gûte ĸínuvigissásagât Jesus Kristus avĸutigalugo. — Juánase 14:6.
mêrĸat ikiorneĸarnigssamingnut Jehova isumavdlûtigísavdlugo ilíniarunik, taimailiorneruvdlo kingunere misigalugit, ugperneránut malungnangârtumik súniuteĸartarpoĸ. Jacquyp, angutip inûsugtup mãna Vagttårnip peĸatigîgfiata ingmíkôrtortaĸarfîsa ilãne kivfartũssissup, 14-inik ukioĸarnermine pisimassoĸ imáitumik oĸalûserâ: „ukioĸ táuna ilagêĸatigît uvagut átavigissavut atautsimêrssuartugssáuput sapâtip akúnerata nânerane inârutaussumik soraerúmêrnigssarput aĸagútoĸ. ajornartorsiutigârput ilíniartitsissuvta atuagagssanik utigagssanik tuningmatigut aitsât tatdlimángorníkut. angajorĸãka ĸanoĸ iliortariaĸagagssavnik oĸaloĸatigerêrdlugit, aulajangerpugut atautsimêrssuarnermut najûtíngitsũsángitsunga, nauk atuarĸigsârnigssavnut pivfigssakísagaluardlunga. [Eprîarit 10:24, 25] Jehova ĸínuvigâra ikiorĸuvdlunga soraerúmêrnigssamut sapíngisara tamákerdlugo piarêrsarnivne.
atausíngornerup uvdlâvane atuartugut tamavta ánilângaĸaugut pernardluta oĸalugtaríssanik soraerúmĩsagavta. Jehova ĸínuvigerĸigpara najorĸuvdlunga. sumik pissoĸarpa? uvdlorme tássane soraerúmêrutigissavtíne uvanga atuaĸativnit tamanit ĸutsingnerpâmik karaktêriligauvunga. ilíniartitsissut misilîssûtitat ilâta aperssortuarpânga, oĸardlune: ’kigdligfigssâ pâserusugkavko.’ aperĸutigissaile tamaisa akisínauváka.“
ajúngitsumik kinguneĸarnera Jacquyp sumik ilíniarfigâ? „Jehovap ikiuinera misigigavko táussumúnga ĸanigdlivunga. ilíniarpara sûtdlũnît pivdlugit isumakulungnavêrtariaĸardluta kisiánile Jehova Gûte sâgfigissásagigput ĸinuvdlutalo kutsiordlutalo.“ — Filípimiut 4:6, 7.
âp, pingârtorujugssûvoĸ mêrartavut ikiúsavdlugit Jehova ’ilisarerĸuvdlugo’, uvdluínarne inûnermingnut ilauterĸuvdlugo. pâsileruníko ĸanoĸ ilioraluarunigdlũnît Jehovap najorâtik, tusâmáinarneranit atuáinarneranitdlo kajumingnerungãsángínerdlutik ilumôrtumik kivfartũtuásavdlugo? taimailiornigssãnut perorsarniardlugit imáinaunaviángilaĸ. mêrĸatdle puiorasuarnaviángilât angajorĸâmik ĸĩmatsangnerat perĸigsârdluarneratdlo Jehovamik ilisarssíssúmik anersãkut kingornússagssaussumik ĸitornamingnut túniússiniarnermingne. Jehovavdlũnît ilungersornere puiúsángilai. (Eprîarit 6:10-12) taimáitumik Jehovap nalunaiaissuine angajorĸârtavta mêrartavut ikiortuardlisigik akigssarsiagssaĸ atâtavta ĸilangmiussup ilisarssissiminut ilisarissaminutdlo túniúkumassâ — „inûneĸ nâgssáungitsoĸ“ — angorĸuvdlugo. — Juánase 17:3. (wD 1/11 84)
[Qupp. 7-mi ungalusaq]
okautsit ũmatíkut kíssâtdlangnartut
atâtâta Debora arfineĸ pingasunik ukiulik aperâ: „Jehovamut ĸinussarpit?“ akivâ: „ilauna.“ „sutigut?“ „kisimĩkângama.“ „sôrme?“ „akornuserneĸángínama!“
anânâta Laurent arfinilingnik ukiulik aperâ: „únuaro ĸutdleĸ iningne ikumatĩnásavara?“ (Laurent târtume ersissarpoĸ oĸarfigineĸarsimavdlunilo Jehovamut ĸinunermine tamána taerĸuvdlugo.) „nâgga, ersiungnaerpunga Jehovap najormanga.“
niviarsiaraĸ arfinilingnik ukiulik ĸinunermine oĸarpoĸ: „ĸujanaĸ, Jehova, makínigssamik neriûtigssíkavtigut. tássa torrak!“ avdlatigut ĸinugame oĸarpoĸ: „pâratîsíngulerpat nunavtíne suliagssaĸásaĸautit, Jehova, mâne siagdlertorujugssûssarmat.“
Udo pingasunik ukiulik ĸinunermine oĸarpoĸ: „Jehova Gûtiâ, atâtaga bîbilimik atuartalersíniaruk Harmagedonime toĸorĸunago!“ nukagpiarĸap sinigtarfianut mato angmavoĸ, ĸínutâlo atâtâta tusarpâ. tássûna sagdlusuíssúmut agssortuinera taimaitípoĸ, uvdlumíkutdlo Jehovamut kivfauvoĸ ilumôrtoĸ.