atuartartut aperkutait

◼ Timûtiusimut agdlagkane sujugdlerne 4:10-me agdlagsimavoĸ Gûte „inuit ássigĩngitsut tamarmik ánáussissigât, kisiáne ugpertut ilumôrtutdlo pingârneruvdlutik“. (NW) tamána pâsissariaĸarpa ugpertũngitsut ilait ánagkumârtut?

nâgga. pâsissariaĸarpordle ugpertut ánangnigssaĸ ilimaginerusínaugât.

tamatuma sujuliane apustile Paulusip Timoteus agdlagfigerêrpâ Gûtimik mianeringningneĸ iluaĸutaussoĸ „inûnermut matumúnga piumârtugssamutdlo atassumik únersũmik ilaĸarame“. (1 Timûtiuse 4:6-8) tauva nangitdlune agdlagpoĸ: „tamáname sujunertaralugo erdloĸissarpugut ũmârigsumigdlo tamaviârdluta, Gûte ûmassoĸ neriugfigigavtigo, táuna inuit ássigĩngitsut tamarmik ánáussissigât, kisiáne ugpertut ilumôrtutdlo pingârneruvdlutik.“ — 1 Timûtiuse 4:10, NW.

Gûtip inuit tamaisa ánáuneĸarnigssãnik neĸerôrfigai. sôrdlo Paulus agdlagsimassoĸ: „Gûtime atausiuvoĸ, atausiuvortaoĸ Gûtimutdlo inungnutdlo akúnermiliútoĸ, tássa inuk Kristuse Jîsuse; táuna ingminik túniúpoĸ tamarmik utertitáussutigssãnik.“ (1 Timûtiuse 2:5, 6) kíkutdle utertitáussutigssaĸ tamána ilagsísavât toĸulo pinago inûneĸ ĸinísavdlugo? (5 Môrsase 30:19, 20) ánangnigssamik tusardliússaĸ kristumiut tusardlĩssutigissât inuit ilaisa itigartípât. avdlat ’nautsîagssaĸ’ ingmingne sordlanigtípât naugatdlartitdlugulo; kingornale agssortorneĸarneĸ, nunap pînik soĸutigissaĸarneĸ avdlatdlũnît ánangniarnigssamingnut akornutaulersitdlugit. — Matîuse 13:3-8.

ánangnigssaĸ Gûtip neĸerôrutigissâ inuit tamarmik pigssarsiarisínaugaluarpât, kingunigssatdle ĸiviaruvtigik pâsineĸásaoĸ ánáussut „ugpertut ilumôrtutdlo pingârneruvdlutik“ pigssarsiarísagât. tamána píssutigalugo apustile Peter imáitumik kajumigsârivoĸ: „taimaingmat, ĸatángutíka, angnerussumik ilungersorniaritse ĸaerĸusimássuserse ĸinigáussusersilo aulajangersardlugit; taimailivdlusime nâgkiúnaviásángilase.“ — 2 Pîtruse 1:10; Juánase 3:16. (wD 1/11 84)