Gûtip oĸausia ûmavoĸ
sume nâgssáungitsumik inũsápat?
ÁSSILÍSSAME matuma ĸulâne takusínaussavtíne takuvarput Jesus ajoĸersugkaminut oĸartoĸ: „atâtama igdluane inigssat amerdlaĸaut. . . . inigssioriartorpavse. inigssioriartorêruvsilo kingumut tikiúkumârpunga, uvavnutdlo pisíkumârpavse najugkavnêrĸuvdluse.“ — Juánase 14:2, 3.
ĸilak Jesusip angerdlarsimavfigâ. tássánga Gûtip autdlartísimavâ nunamut. mãnákut Jesusip apustiline neriorssorpai ĸilaliásassut najúsagãnilo. ĸanordliuko Jesus ajoĸersugailo ĸilangme suleriniartut?
nalúngilarput Gûtip Jesus ĸinersimagâ nâlagauvfingmine kúngiussugssatut. tamánale písaoĸ nâlagkersuissoĸatigssaminik Gûtip ĸilangmiussumik nâlagkersuineratigut. „angerfigeĸatigâvse,“ Jesusip apustiline oĸarfigai, „sôrdlo atâtama angerfigeĸatigânga, nâlagauvfik pivdlugo.“ (Lúkarse 22:29, NW) Kristus ilagalugo nâlagkersuissugssat Paulus Timoteusilo ilagait. tamatumúnga túngassumik Paulus Timoteusimut agdlagpoĸ: „nikatdlujuíkuvta kúngioĸatigiumârparpútaoĸ.“ — 2 Timûtiuse 2:12.
kíkúme tauva Gûtip nâlagauvfianut nunamîtdlutik ínugtaussugssáupat? ássilíssame uvane takusínauvarput angut Jesusimik kuississoĸ. angut táuna Jesusip erĸardlerâ Johannes kuississoĸ. táuna pivdlugo Jesus oĸarpoĸ: „arnanit erniussune Juánasimit kuississumit angnerussumik sarĸúmersoĸángilaĸ.“ ilumôrtuáinartumik piarêrsainermigut Kristusimut, ãmátaoĸ kingornagut Jesusimut sujugdliuvdlutik ajoĸersugaulerumârtut katerssordlugit, Johannes angneruvdlune ilumut takutitserêrsimavoĸ. taimáitordle Johannes pivdlugo Jesus oĸarpoĸ: „ĸilangmiuvdle nâlagauvfiane mingnerussoĸ táussumánga angneruvoĸ.“ (Matîuse 11:11) ĸilaliartugssanut Kristusilo ilagalugo nâlagkersuissugssanut táukunúnga Johannes iláusángilaĸ. nâlagauvfiup atâne nuname ínugtaussorpagssuit táuna akornánĩsaoĸ.
bîbilip takutípâ inuit amerdlássusê kigdleĸartíneĸartut, ’savarpánguit’, ĸilaliásassut Jesus Kristus kúngioĸatigísavdlugo. bîbile ilisimatitsivoĸ erĸorĸigsârtumik amerdlássusigssãnik, 144.000-inik. táukua saniatigut inuiait ilumôrtut avdlat nuname inũsáput nâlagkersuissugssat táukua atãne ínugtáusavdlutik. — Lúkarse 12:32; sarĸúmersitat 14:1, 3.
Gûtip nâlagauvfiata iluartumik nâlagáussuseĸarneratigut nunarssuaĸ pâratîsíngúsaoĸ, sôrdlorpiaĸ Gûtip sujunertarigâ taimaníkut Adam Evalo pâratîsimut Edenimut pisíkamigit. taimaníkugssaĸ únersût bîbilimĩtoĸ erĸũsaoĸ: „Iluartut nuna kingornutissavaat najugaqassallutillu tassani naassaanngitsussamut.“ Tussiaat 37:29. (wD 15/5 84)