Jehovap Jeremia oqaluus­siartortikkaa

Jehovap Jeremia Juudakkunnut pruffiitissatut qinerpaa. Oqarfigaa oqaluus­sissasoq inuillu mianersoq­qussagai ajortulior­tarunnaaq­qullugit. Jeremiali imminut ajukkulluni oqarpoq: ‘Ila Jehova, inuusut­tuinnaavunga, oqalunneq naluvunga.’ Jehovap oqarfigaa: ‘Ersigis­sanngilatit. Uanga qanoq oqassanersutit oqaluttuuk­kumaarpakkit. Ikiussavakkit.’

Jehovap Jeremia oqarfigaa utoqqaanertat katersor­teriarlugit isigitillugit imiisivik marrarmik sanaaq aseroriarlugu oqarfigissagai: ‘Tassa Jerusalemmi taamatut aserorneqassaaq.’ Jeremia Jehovap peqqusineratut iliormat utoqqaanertat kamaatingaalerpaat. Palasip Pashkurimik atillip Jeremia unatarpaa kiggitsivimmullu qisummut kiggisillugu. Unnuaq naallugu Jeremia nikissin­naanngilaq. Pashkurip aqaguani ullaakkut kiggitsivimmit iperagaatippaa. Jeremia taava oqarpoq: ‘Sapilerpunga. Oqaluus­seqqissan­ngilanga.’ Ilumulli tunniutiinnarpa? Naamik. Eqqarsaatigil­luareerlugu oqarpoq: ‘Jehovap oqaasii ilunni ikualasutut ipput. Oqaatigin­ngitsoorsin­naanngilakka.’ Taava Jeremia nangilluni inunnik mianersoq­qusilerpoq.

Ukiut ingerlapput Juudamilu allamik kunngeqalerpoq. Pruffiitit ilumuun­ngitsut palasillu Jeremiap oqaasii nuannarin­ngilluin­narpaat. Naalagartanut oqarput: ‘Angut una toqunneqar­tariaqarpoq.’ Jeremia akivoq: ‘Toqukkussinga angut pisuussuteqan­ngitsoq toqussavarsi. Jehovap oqaasereqqusai kisiisa oqaaseraakka.’ Naalagartat tamanna tusaramikku oqarput: ‘Toqunneqas­sanngilaq.’

Jeremia oqaluus­siuarpoq, tamannalu naalagaanertat kamaatigisorujussuuaat. Kunngimut oqarput Jeremia toqusariaqartoq. Kunngillu akivai Jeremia iluarisaminnik pisinnaagaat. Jeremia tigoriarlugu puilasuliamut marulluinnarmut igippaat, tassani toqussasoralugu. Jeremialu marullummi kiviartulerpoq.

Taava kunngik­kormiut ilaata Ebed-Melekimik atillip kunngi oqarfigaa: ‘Naalagaanertat Jeremia puilasuliamut igissimavaat! Qaqinngik­kutsigu toqussaaq.’ Kunngip Ebed-Meleki peqquaa angutit 30-t ilaliuteriarlugit qaqissagaat. Ilaa, uaguttaaq qanorluunniit pineqas­sagaluarutta Jeremiatut oqaluus­siunnaarusun­ngilagut.