Naalungiarsummik toqukkut annaasaqarsimasunut tuppallersaat

IATUAGASSIAAQQAMIK Asasamik toqusoqaraangat tunineqarsimanini qujamasuutigalugu anaanaq Tuluit Nunaanneersoq allappoq: „Atuagassiaaraq ilaquttatsinnut soorlu tassa nerisassaq piffissakkut eqqortukkut tunniunneqartoq.“ Nassuiarpaa soorli taamaannersoq:

Atuagassiaaqqami oqaluttuarineqartut pisimasuupput uagutsinnut ilisarnartut. Assut tuppallernarsimavoq paasillugu allat uagutsitulli misigisaqarsimasut misigalutillu.

Pingaartumik nuannarisimavara immikkoortortaq oqaluttuartoq naartumik katatsineq toqukkut annaasaqarnerusoq, tamannalu pillugu aliasunnermik misigisoqarsinnaasoq. Amerlasuut taamatut aliasunneq paasisinnaanngilaat, imminnut meeraq anaanami illiaata avataani kinaassusilivittut piusimanngimmat.

Naartunnik katatsisarnikka nalinginnaasumik pisimanngillat . . . Marloriarlunga taamaaligama tamatigut ernisunnera aallartitinneqartariaqarsimavoq, erniakkalu toqungasarput. Atuagassiaaqqamilu (qupperne 10-mi) Veronicap oqaasii isumaqatigaakka ’Toqungasumik meerartaarluni anaanaasumut misigisaavoq artornartorujussuaq.’“

Immaqa illit nammineq ilisarisimasalluunniit, atuagassiaaqqamik pingaartinneqaqisumik 32-nik quppernilimmik atuarnissigut tuppallersarneqarsinnaavusi. Ataani immersugassaq immersorlugu uunga nassiukkukku tamatuminnga nassinneqarsinnaavutit:

Napasuliaq Alapernaarsuiffik Box 248, 3900 Nuuk