Oqalugiaat tamanut ammasoq tusarnaariaruk „Inuunermut naassaanngitsumut aqqutissatuaq“
Ukiut 20-ngajaat matuma siorna dr. Alvin Silverstein atuakkiamini Conquest of Death-imi (Toqumut ajugaaneq) ima allappoq: „Inuunerup siunertaa paasinerujartussavarput. Paasisinnaalissavarput . . . sooq inuk utoqqaliartortartoq.“ Allaat ima allassimavoq: „Inunni ’utoqqaarutissaaq’, ilisimasaqalernerummi toqumik ajugaaffiginninnermik kinguneqartup inuusuttuujuarneq nassatarissavaa.“
Aviisimi The New York Times-imi 28. septembari 1997-imoortumi saqqummiunneqarpoq allaaserisaq inuit peqqissuunissamik pingaartitsisut ilarpassuisa teknikkikkut atortorissaarutit nutaaliat inuunermik sivitsortitsisinnaanissaannik isumalluarfiginninnerannut tunngasoq. „Isumaqarluinnarpunga kinguaariit naassaanngitsumik inuusinnaalersut siullersarissagaatigut,“ isumalluartut ilaat oqarsimavoq. Allallugooq „qularinngilluinnarpaa . . . genilerissummik atortorissaaruteqalerumaartoq utoqqaliartortarnermik kinguartitsisumik imaluunniit utoqqaliartortarnermik unitsitsisumik [kinguaariit maannakkut inuusut] angumerisaannik“. Isumalluarneq taama ittoq tupaallaatigaajuk?
Isumaqarpit inuup teknikkikkut atortorissaarutitigut toqu ajugaaffigisinnaassagaa? Imaluunniit inuuneq naassaanngitsoq allatut anguneqarsinnaava? Inuit millionilikkuutaat nunarsuarmi sumi tamaaniittut qularinngilluinnarpaat inuuneq naassaanngitsoq anguneqarsinnaasoq. Tamatumunnga suna tunngavigineraat tusarsinnaavat oqalugiaammik „Inuunermut naassaanngitsumut aqqutissatuaq“-mik qulequtalimmik, Jehovap Nalunaajaasuisa ataatsimeersuarneranni „Guutip inuunermut aqqutigeqqusaa“-nik qulequtalimmi, saqqumiunneqartussamik tusarnaariaqqussummut akuersinikkut. Ataatsimeersuarneq Danmarmikimi arlaleriarluni kiisalu Kalaallit Nunaanni Bornholmimilu ingerlanneqartussaammat oqalugiaammut tusarnaariarnissamut periarfissaqarluassaaq.
Jehovap nalunaajaasuisa najukkanniittut imaluunniit atuagassiamik matuminnga saqqummersitsisut ataatsimeersuarnerup illit najukkannut qaninnerup sumi qaqugulu pinissaanik paasitikkusussavaatsit. (gE 22/5 98)