„Aatsaat atuakkamik atuarpoq“

Ukrainemi Jehovap nalunaajaasui inunnik qimuttuitsunut utaqqisunik oqaloqateqarajupput. Arnaq Biibilimik soqutiginninnermik ersersitsisoq Biibilimit oqaluttuaatikka-mik, atuakkamik assiliartaqarluartumik Biibilimilu oqaluttuanik pisimaneri tulleriiaarlugit oqaluttuartumik, tunineqarsimavoq.

Kingunerileraa, qimuttuitsoqarfimmi tassani, arnap Jehovap nalunaajaasua oqaloqatigisimasani naapeqqikkamiuk atuakkamut qutsavigaa. Arnaq taanna ima oqaluttuarpoq: „Ernerma ilinniagassani suliariumaneq ajorpai. Atuarfimmi atuakkani qaqutiguinnaq quppertarpai atuanngisaannangajallugillu. Kisianni Biibilimit oqaluttuaatikka tunniukkakku assiliartai malugilerlugit ingerlaannaq atuarusulerpaa. Sapaatit-akunnerisa marluk missaanni atuagaq naallugu atuarpaa. Aatsaat atuakkamik atuarpoq. Ingammik Guuti pillugu ilikkakkani nuannaarutigai, qanorlu allanngortiginera takullugu uannut nuanneqaaq. Atuagassianik allanik tuneqqilaannga.“

Arnaq alla qanittumiittoq oqaloqatigiinnerat tusarnaareerlugu aperisimavoq aamma nammineq Biibilimit oqaluttuaatikka-mik pisinnaasoraluni. Illittaaq atuagaq taanna 256-inik quppernilik pissarsiarisinnaavat, imaluunniit Biibilimik ilisimasaqarnerup iluaqutaassusia pillugu oqaloqatigisinnaasannit pulaarneqarsinnaavutit, uunga allakkuit: Napasuliaq Alapernaarsuiffik, Box 248, 3900 Nuuk. (gE 8/9 1997)