Jesus pillugu qanoq ilisimasaqarpit?

Inuk inuit inuusimasut pingaarnerpaartaat, 448-nik quppernilik assiliartalersugaq Jesusip inuusimanera pillugu atuagaq, arnamik 84-inik ukiulimmik USA-meersumik ima oqaaseqarfigineqarpoq: „Biibili arlaleriaqalunga naallugu atuartarsimavara atuakkallu Inuk inuit inuusimasut pingaarnerpaartaat atuakkannik paasinninnerulersissimavaanga.“ Jesusip inuunerata Biibilimi allaaserineqarnera atuakkap tamatuma uummaarilluinnartunngortissimavaa.

„Atuagaq taanna atuassallugu qatsutinngisaannarpara,“ allappoq. „Arfineq-marloriarlugu atuareerpara aallaqqaataaniillu maanna aallarteqqillugu. Jesusip pissusiisa kusanartut uummatiga killittarpaat. Jesusip nunamiinnerani sapaatip-akunnera kingulleq pillugu kapitalit atuarakkit, naalliutsinneqarnera anniaatigeqaara, ingammik nalunaaquttap-akunneri kingulliit qisummilu naalliutsitaaffimmi toqulernera. Ataatarpulli qimmiusoq, Jehova, ataqqinarsisippaa.“

Jesusip nunami inuunerani pisimasunik tamanik iivangkiiliulersaartut sisamat allaatigisaannik atuagaq Inuk inuit inuusimasut pingaarnerpaartaat ersersitsiniarpoq. Jesusimik pitsaanerusumik ilisarisimannilernissannut ikiorsinnaavaatit. Atuakkamik piumaguit imaluunniit angerlarsimaffinni akeqanngitsumik Biibilimik atuaqqissaaqatigineqartalerusukkuit uunga allassinnaavutit: Napasuliaq Alapernaarsuiffik, Box 248, 3900 Nuuk.