Ilinnut pinnguaatissaqqippa?

„DOOM tassaavoq eqqarluni toqoraallunilu pinnguaat kissaammeqqanartoq teknikkikkut nutaaliat torrallatat alutornarnerpaat ilaat, aammali tassaasinnaavoq titartakkat atorlugit nakuusernersuaq computerimik pinnguaatit akornanni appasinnerpaaq.“ (Peter Lewis The New York Times-imi ilanngussami „Personal Computer“-imik qulequtalimmi) Computerimik pinnguaatit ilarpassui nakuusernermik toqoraanernillu aattaqaqisunik isertuarpallaanngitsunik allaalluunniit atoqatigiinnernik quleqanngitsunik imaqarput. Nutaat ilaat, Doom II-mik taaguutilik, naak 550 kronit missaanni akeqaraluartoq nuannarineqartorujussuussangatinneqarpoq. Eqqortuliornerussavali kristumiut eqqissinermik nuannarisaqartut pinnguaammik tamatuminnga pinnguassappata? Immaqa Lewisip nangilluni oqaasiisa tamatuma nalilernissaanut ikiussavaatsit.

„Pinnguartoq tassaasuusaassaaq sakkutooq umiartortoq mersernartoq qaammatit Marsip eqqaaniittut ilaannut, suliffissuarmi ajunaarnersuaq pissutaalluni anniarfimmut matup ammarneqarfigisaanut, peersitaalluni aallartitaasimasoq. . . . Sakkutooq imarsiortoq torsuusarsuartigut tammartajaarnartutigut ingerlavoq, . . . aqqutimini anersaapiluit inuusimagaluartullu assertajaarisut tilluarniarlugillu, eqqarfiginiarlugillu, uutittarniarlugillu pilattortarniarlugit. . . .

Doom II-mi ineriartortitseqqinnerup nassuiarnissaa ajornarpallaanngilaq: anersaapiluit amerlanerusut, torsuusarsuit ipianngunartut amerlanerusut, sakkut amerlanerusut aallu annerusoq.“a

Biibilimik allaqataasoq Jakob ima allassimavoq: ’Ilisimassulli pavannga pisoq siullermik minguitsuuvoq, aammattaaq eqqissisitsiniararaaq isumagillunilu oqaatseriarlunilu nallittuingaarlunilu ajunngitsunillu naammassisaqangaarluni.’ (Jâko 3:17) Ilissi angajoqqaat, meeqqassi computerimik pinnguaatigisartagaat suunersut qanittukkut misissorpigisik? Allamik oqartariaqarnerpugut? (gD 8/5 95)

[Quppernerup ataani ilanngussaq]