Immap kissartup puisaa?

Puisit issittormiutut sikuiuitsumi avannarlermi kujallermiluunniit qaqortuinnarmik avatangiisilimmi uummasutut eqqartorneqarajupput. Nalunngiliulli puisit ilaat kiattut sissaanni sioraannaasuni seqinnisaarujoorlutik uumasinnaasut?

Immami Akullersuarmi puisit ilaat (munkesæl) meterinik sisamassaat avillugu angissusilik assersuutigeriartigu. Puisip immami kissartormiup taassuma meqqui torsusuujupput naatsuullutillu qimerlua taartunik milaqarluni, sakiaali qaqorujuttuuvoq. Puisip taassuma (munkesælip) ateqaatigigunarpaa upperisarsiortut ilaasa mattuttoqatigiivisa atisarisartagaasa qalipaataat immikkut ittoq.

Biibilimi arlalerialluni ameq, epriiarisoorlugu taʹchash, eqqartorneqarpoq. Illernartuutip tassanilu atortut ulii oqaatsimik tamatuminnga eqqartorneqarput. (2 Moses 25:5; 26:14; 4 Moses 4:8) Ilisimatuut ilaat naapertorlugu oqaaseq taʹchash puisip amianik isumaqarpoq. Puisi Immami Akullersuarmi uumasuusoq pineqarnerluni? Uumasut taakku itsaq Immami Akullersuarmi uumasuusimammata taamatut isumaqassalluni tunngavissaqarluarpoq.

Oqaluttuatoqqani puisit taakkua immikkut pissaaneqartitaasorineqarsimapput. Kallersumi innaallannernut narsaatinilu nataqqornanut amii illersuutaasinnaasorineqartarsimapput, meqquisalu tikkunganeri tunnganeriluunniit najoqqutaralugit anorersualernissaanik qatsornissaanilluunniit naatsorsuisoqarsinnaasorineqartarsimavoq.

Puisit taakkua immikkut pissaaneqartitaasorineqarsimanerat pissutigalugu aallaanianit naakkittaatsunit nungutitaangajalluinnarsimapput. Qanittukkulli Sardiniap kangiani takuneqarsimapput. Guutip silarsuassaani nutaassami inuit uumasullu akornanni aaqqiagiinneqalerpat, qularnanngitsumik puisit taakkua sissanut eqqissisimaffiusunut, inunnik piumatuunik ersissuteqaratik, seqinnisaarfigisinnaasaminnut uterumaarput. — Jesaja 11:6-9.

[Qupp. 32-mi suminngaanneernera]

Panos Dendrinos/HSSPMS