Ulluni nalorninartuni makkunani Guutimut ajoqersortigit

Ajoqersuineq iluaqutissat

KRISTUMIUTUT ilinniartitsinerminnut atatillugu Jehovap Nalunaajaasui ataatsimeersuassapput qulequtalimmik „Guutimit ajoqersorneqartut“, najuunnissannullu tikilluaqqusaavutit. Nunarsuaq tamakkerlugu inuit millionillit aasap ingerlanerani ataatsimeersuarnermut tamatumunnga peqatassaapput. Danmarkimi juulimi aggustimilu ulluni sisamani ataatsimeersuarnerit arfineq-pingasut ingerlanneqassapput, tamakkualu saniatigut aamma Kalaallit Nunaanni Savalimmiunilu.

Inuusuttuugaluaruit utoqqaagaluaruilluunniit — uiugaluaruit, nuliaagaluaruit, ataataagaluaruit, anaanaagaluaruit, inuusuttuaraagaluaruit meeraagaluaruilluunniit — ilinniartitsineq ersarissoq nuannersorlu iluaqutigissavat. „Aappariinneq ataavartoq ineriartortiguk“, „Ilaquttatit annaanniarlugit iliuuseqarit“ aamma „Angajoqqaat — meeqqassi immikkut sammineqarnissartik pisariaqartippaat“ oqalugiaatitigut sammineqartussat ilaannaraat.

Ingammik ajornartorsiutit inuusuttut nalaattagaat sammineqassapput, aammalu qanoq ilillutik ullutsinni nalorninartuni ajornartorsiutit aaqqinniarsinnaagaat. Isiginnaagassiaq ullumikkut pisimasuutitaq Inuusuttut Pinngortitsisimminik eqqaamannittut inuusuttunut qiimmannartuussaaq. Isiginnaagassiaq piareersarluagaasoq alla, Tammanarveeritsi — Guuti mitaatigeqqunngilaq, ingammik unamminiarnartumut, ullumikkut nipilersukkanut videonullu nuannarisaasunut atatillugu inuusuttut naapittagaannut, tunngassaaq.

Nalunanngilluinnarpoq ulluni nalorninartuni inuusugut. Jesus siulittuisimavoq: ’Ullut taakkua naalliunnartut kinguninnguatigut seqineq taarsissavoq.’ (Matîuse 24:29) Ataatsimeersuarnermi paasissutissiissutigineqassaaq ’naalliunnartoq’ tamanna qaqugu pissasoq seqinerlu qaqugu taarsissasoq.

Ulluni nalorninartuni makkunani amerlasuut ima aperisimapput: „Inuunerup suna siunertaraa?“ Tamanna peqqissaartumik paasissutissiissutigineqassaaq, qularnanngitsumillu saqqummiunneqartut qiimmatsaatigissavatit. Aamma Jehovap Nalunaajaasuisa oqaluttuarisaanerat nutaanerusoq suliaallu sammineqassapput.

Ataatsimeersuarnerup ulluisa sisamaanni tamanut oqalugiaat nuannaarutigisinnaassavarput; naggataarutaasumik saqqummiussassaq ima kajumissaarutitaqassaaq: „Guutimut ajoqersortittuarit.“

Ullunut ataatsimeersuarfiusunut sisamanut tamanut najuunnerit iluaqutigissaqaat! Tikilluaqqungaarpatsigit. Ataatsimeersuarneq Nuummi 29. juulimiit 1. aggustimut pissaaq. Jehovap nalunaajaasuinik najukkaanniittunik saaffiginninnissannut atuagassiamilluunniit matuminnga naqiterisunut allannissannut tikilluaqqusaavutit. (gD 22/5 93)