Pujortartarunnaarnissamut alloriarnerit qulit

1. Soraarussinissat kissaatigilluinnaruk. Soraarussinissannut pitsaasunik aalajaatsunillu pissutissaqarit — imminut ataqqineq; massakkut siunissamilu peqqinninnik soqutiginninneq; qanigisannik illit pujortartarnikkut navianartorsiortitannik isumassuineq; timikkut ileqqussatigullu, ilinnut Guutimullu, minguitsuutinnissannik kissaat.

2. Qaqugu soraarussinissat ulluleruk — eqqortigullu! Ataasiaannarlutit soraarussigit — ajornakusoorpoq kinguneqarluassaarli!

3. Soraarussiniarninni timitalimmik iliuuseqarit. Cigaretit pigisatit tamaviisa nallukkit igillugillu. Atisatit tamaasa pujorsunneerullugit errukkit. Nutaamik aallartigit!

4. Pujortartarunnaarniarninni ikinngutit pujortartartut ilaginaveersaakkit pujortarfiusullu ingalassimakkit. Pujortarfigeqqusaanngitsuniinniartarit; assersuutigalugu, katersugaasivinnukartarlutit imaluunniit atuakkanik atorniartarfinnukartarit.

5. Aningaasat tupanut atugassaraluatit katersukkit qaammallu ataaseq qaangiuppat kisillugit! Pisariaqartitannik pisissutigikkit. Imaluunniit nuannarisannut, illit ajugaaninnik nuannaarutiginneqataasinnaasumut, tunissutis- sarsigit.

6. Piffissani pujortarfigisartagaraluanni allanik eqqarsaateqarniarsarisarit arlaannilluunniit sulilullutit. Pujortarusuummeraangavit tamorasaamik sukkuaqqamilluunniit suersumik oqummersisarit. Nerereeraangavit pujortarnissamut taarsiullugu kigutitit salittakkit. Pisuttuartarit, allallutit, mersorlutit, naasulerillutit, iluarsaassillutit, biili asallugu arlaannilluunniit.

7. Annilaangasutut paatsiveerusimaartutulluunniit misigiguit eqqissisimasumik itisuumillu anersaar- torit. Cigaretimik tiguseqinak, naammattumilli imermik paarnat isserannilluunniit imerit — timimik saliinermut iluaqutaavoq.

8. Pisinnaasatit naapertorlugit timersortarit. Suna silatusaarnerpaanersoq pillugu nakorsaq oqaloqatigeqqaaruk. Timiginnilerulernerit kajumissaatigissavat.

9. Imigassamik pisarnerit killileruk. Imigassat cigaretillu malitsigiikkajuttarput, imigassaq pujortarusulersitsisinnaammat. Katerisimaarnerit taamatut pisoqarfiusinnaasut ingalakkit. Tupamik pilerisaarutit allatut isumaqarfigilikkit. Salloqittarteqqeqinak.

10. Jehovap Nalunaajaasuinut ilaarusuppit? Taava ilumoorlutit Guutimut ikioqqugit qinnutitillu naapertorlugit iliuuseqarnissat siunniusimajuk. Tupinnartuliortoqarnissaa ilimageqinagu — nammineq qanoq iliuuseqarit! (gD 8/7 89)