Неге Ехоба куәгерлері ғибадат еткенде айқышты қолданбайды?

Көп адам айқышты христиан әлемінің айрықша белгісі деп біледі. Ехоба куәгерлері мәсіхші болғанмен, ғибадат еткенде айқышты қолданбайды. Не себепті?

Бірінші себеп — Иса айқышта өлмеген. Киелі жазбаларда оның жай тік бөренеде өлгені айтылған. Екінші себеп — Киелі жазбалар: “Пұтқа табынушылықтан қашыңдар!”— деп қатаң ескертеді, яғни ғибадат еткенде айқышты қолдану пұтқа табынумен пара-пар (Қорынттықтарға 1-хат 10:14; Жоханның 1-хаты 5:21).

Иса: “Менің шәкіртім екендеріңді жұрттың бәрі өзара сүйіспеншіліктеріңнен білетін болады”,— деп, маңызды жайтқа назар аударды (Жохан 13:34, 35). Демек, оның шынайы шәкірттерінің айрықша белгісі — айқышты не қандай бір бейнені қолданғандары емес, риясыз сүйіспеншілік танытқандары болу керек еді.