Батыл әрі адал болған Бенаяхқа еліктеңіз

Бенаях — Дәуіт және Сүлеймен патшаға қызмет еткен ержүрек жауынгер. Ол діни қызметкердің ұлы болса да, қолына қару алып, Ехобаның жауларына қарсы шайқасқан. Бенаях батыл болғаны сонша — бірде шұңқырға түсіп, арыстанды өлтірсе, бірде алып мысырлықтың өзін сұлатып салған. Дәуіт патша Бенаяхқа толықтай сенім артқандықтан, оны оққағарларының басшысы етіп қойды (Сам. 2-ж. 23:20—23).

Абессалом мен Адониях әкелеріне қарсы бас көтергенде, Бенаях Дәуіт патшаға адал болды (Сам. 2-ж. 8:18; 15:18; Пат. 1-ж. 1:8). Дәуіт қартайғанда да Бенаях оған адал болып, Сүлейменнің таққа отыруына тікелей атсалысты (Пат. 1-ж. 1:32—40). Көбісі Ехоба тағайындаған патшаларға қарсы шығып жатса да, Бенаях сол патшаларды қолдай берді. Осылай өзінің Ехобаға адал екенін көрсетті.

Қас жауымыз Шайтан мен оның жақтастарына қарсы тұру үшін, бізге де батылдық қажет. Сондай-ақ біз Ехобаның заң-талаптарынан аттамай өмір сүре беруге бекінуіміз керек (Ефес. 6:11; Пет. 1-х. 5:8, 9). Кейбіреулер Ехобаны тастап кетсе де, біз оған адал бола берейік. Себебі Ехоба бұл үшін бізді міндетті түрде жарылқайды (Сам. 2-ж. 22:26).