“Рухани сыймен бөлісу”

Бір сенімдегі бауырластарымыз — нағыз жігердің көзі. Бір-бірімізді жігерлендіру үшін біздің жай ғана бас қосқанымыз жеткіліксіз. Біз бір-біріміздің сенімімізді де нығайтуымыз керек. Киелі кітапта өзгелердің сенімін нығайту “рухани сыймен бөлісу” деп аталған (Рим. 1:11, 12). Рухани сыймен барынша бөлісу үшін не істесек болады?

Сөзіңізбен жігерлендіріңіз. Мысалы, қауымда түсініктеме бергенде өз ойыңызды, өз өміріңізді айта бермеңіз. Қайта, Ехоба мен оның Сөзі жайлы, оның қызметшілері жайлы не білгеніңізге көбірек назар аударыңыз. Ал бауырластармен араласқанда, әңгімеңіз олардың сенімін нығайтатындай болсын.

Іс-әрекетіңізбен жігерлендіріңіз. Мысал үшін, бауырластар сіздің қиындықтарға қарамай толық уақытты қызметті тастамай жүргеніңізді көрсе, я болмаса денсаулығыңыздың нашарлығына не жұмыстан шаршап шыққаныңызға қарамай апта ішіндегі қауымға келіп жүргеніңізді байқаса, олар бұдан сөзсіз жігер алып, сенімдері нығаяды.

Сіз бауырластарды сөзіңізбен және ісіңізбен жігерлендіріп жүрсіз бе? Ал олар сізді осы екі жолмен қалай жігерлендіріп жүргенін байқайсыз ба?