Самуилдің тәлім берер үлгісі

Самуил бүкіл өмірін Ехобаға арнаған адал кісі еді. Бала кезінде ол Елидің арсыз ұлдары Опни мен Пінехеске ерген жоқ (С1ж 2:22—26). Ехоба ер жетіп жатқан Самуилді жарылқап отырды (С1ж 3:19). Қартайған шағында да оның өз ұлдары Ехобаның жолымен жүрмесе де, ол ақ жолдан еш таймады (С1ж 8:1—5).

Адал болған Самуилден не үйренсек болады? Сен жас болсаң мынаған сенімді бол: Ехоба сенің қиындығыңды біледі, сенің ішкі сезімдеріңді түсінеді, саған қажет болса батылдық та береді (Иш 41:10, 13). Сіз ата-ана болсаңыз және балаңыз Ехобаға қызмет етпей кетсе, Самуилді қалай үлгі ете аласыз? Самуил ересек ұлдарын Ехобаның талаптарын орында деп күштей алмады. Ол бәрін Ехобаға тапсырып, өз мінсіздігімнен айнымаймын деп бекінді. Осылайша көктегі Әкесінің ықыласына бөленді. Кім біледі, балаңыз сіздің үлгіңізді көріп, Ехобаға бір күні қайтып келер.

“ЖАҚСЫДАН ҮЙРЕН, ЖАМАННАН ЖИРЕН: САМУИЛ” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• 

  Бала Самуил қалай батыл әрекет етті?

• 

  Дэнни қалай батылдық танытты?

• 

  Қарт Самуил қай жағынан үлгі?

• 

  Дэннидің ата-анасынан не үйренуге болады?