Ехобаны әрдайым ойда ұстаңыз

Жұмыс табу қиын болып кеткенде, Құдайдың Патшалығы мен оның әділдігін бірінші орынға қою оңай болмауы мүмкін. Сондайда Ехобаға деген қызметімізге кедергі болатын не Киелі кітап принциптерін бұзуға итермелейтін жұмысқа тұра салуға азғырылармыз. Алайда “Ехоба өзіне бар жүрегімен берілгендерді қолдайтынына” еш күмәнданбасақ болады (Ш2ж 16:9). Бізді сүйетін Әкемізге бізге қол ұшын созып, қажетімізді беруге ештеңе де тосқауыл бола алмайды (Рм 8:32). Ендеше, жұмысқа қатысты шешім қабылдағанда, Ехобаға сенім артуымыз әрі бірінші кезекте оған деген қызметімізді ойда ұстауымыз қажет (Зб 16:8).

“ЕХОБА ҮШІН ІСТЕГЕНДЕЙ ЖАН-ТӘНІҢМЕН ІСТЕ” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• 

  Неге Джейсон пара алмай қойды?

• 

  Қолостықтарға 3:23-ті іс жүзінде қалай орындасақ болады?

• 

  Джейсонның үлгілі жүріс-тұрысы Томасқа қалай әсер етті?

• 

  Матай 6:22-ні іс жүзінде қалай орындасақ болады?