Жұбайлар некені қалай берік ете алады?

Бір-бірін сүйіп, құрметтей білген Ыбырайым мен Сара жұбайлар үшін керемет үлгі қалдырған (М1ж 12:11—13; Пт1х 3:6). Десе де олардың некесі мінсіз болған жоқ, оларға да өмірдің тауқыметін көтеруге тура келді. Ерлі-зайыптылар Ыбырайым мен Сарадан не үйренсе болады?

Бірі-біріңізбен үнемі сөйлесіп тұрыңыздар. Жұбайыңыздың ашу үстінде айтқан сөздеріне жұмсақ жауап беріңіз (М1ж 16:5, 6). Бірге уақыт өткізу үшін жағдай жасаңыз. Сөзбен де, іспен де жұбайыңызды сүйетініңізді көрсетіңіз. Бәрінен бұрын зерттеу жүргізу, дұға айту және бірге бас қосып ғибадат ету арқылы екеуіңіз де Ехобамен қарым-қатынастарыңызды нығайтып отырыңыздар (Уғ 4:12). Іргесі берік некелер осы қасиетті одаққа бастама берген Ехоба Құдайымызға мадақ әкеледі.

“ШАҢЫРАҚ ШАЙҚАЛМАСЫН ДЕСЕҢІЗ” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• Осы қойылымдағы Шан мен Кераның арасы суи бастағаны неден көрінді?

• Некеде өзара бүкпесіз пікір алысу неліктен ауадай қажет?

• Ыбырайым мен Сараның үлгісі Шан мен Кераға қалай көмектесті?

• Некедегі суыған көңілдерін қайта жандандыру үшін Шан мен Кера не істеді?

• Күйеуі мен әйелі неліктен некелері мінсіз болады деп күтпеу керек?