Буклетпен әңгіме бастау

2018 жылдың қаңтар айынан бастап “Өміріміз бен қызметіміз” жұмыс дәптерінің мұқабасында пікірлесу үлгілері жарық көре бастады. Сол кезде біз әдебиетті ұсынуға емес, адамдармен пікір алысуға көбірек көңіл бөлуге шақырылдық. Жариялаушылар пікірлесуді үйрену үшін Киелі кітаппен ғана әңгіме бастауды үйрететін бейнероликтер шығарылды. Енді үйден үйге уағыздағанда, бұдан былай әдебиеттерді қолданбау керек деген сөз бе? Жоқ, әрине. Мысалы, біздің буклеттер әңгіме бастауға өте тиімді. Оларды мына тәртіппен қолдануға болады:

1. Мұқабадағы сұрақты қойыңыз.

2. Екінші беттің жоғары жағындағы тармақтан жауабын көрсетіңіз. Уақыт жеткілікті болса, буклетте жазылған мәліметтің бір-екі жерін оқып, талқылаңыз.

3. Сол буклетті сайттан қалай жүктеуге болатынын көрсетіп, оқып шығуды ұсыныңыз.

4. Ал соңында “Мына жайлы ойланып көріңізші” деген жердегі сұрақты көрсетіп, келесі жолы Киелі кітаптың жауабын талқылауға келісіп кетіңіз.

Келесі жолы барғанда, сол сұрақтың жауабын талқылаңыз. Сосын тағы келгенде талқылайтын басқа бір сұрақты қойыңыз. Ол сұрақты сайтымыздан немесе буклеттің соңғы бетінде көрсетілген әдебиеттен табуға болады. Оңтайлы уақыты келгенде, “Құдайдан келген қуанышты хабар” кітапшасына я “Тәлім беру құралдарындағы” басқа бір әдебиетке көшіңіз.