МӘСІХШІЛІК ӨМІРІМІЗ

Ойын-сауықты ақылмен таңдаңыз

Неге ойын-сауықты ақылмен таңдағанымыз дұрыс? Өйткені біз фильмді, әнді, шарлайтын сайтты, кітапты, бейнеойынды таңдағанда, ой-санамызды немен толтыратынымызды шешеміз. Осы орайдағы талғамымыз мінез-құлқымызға ықпал етеді. Өкінішке қарай, бүгінде ойын-сауық түрлерінің көбінде Ехоба жек көретін нәрселер бар (Зб 11:5; Ғл 5:19—21). Сондықтан Киелі кітап бізді Ехобаны мадақтайтын нәрселер жөнінде үнемі ойлануға шақырады (Фп 4:8).

“ҚАНДАЙ ОЙЫН-САУЫҚ ТҮРІН ТАҢДАУЫМ КЕРЕК?” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

Ежелгі Римдегі гладиаторлар шайқасы мен қазіргі ойындардың қандай ұқсастығы бар?
Қауымдағылар жас бауырластарға ойын-сауықты ақылмен таңдауға қалай көмектессе болады?
Римдіктерге 12:9-дағы сөздер талғамымызға қалай әсер ету керек?
Сіз тұратын аймақта қандай пайдалы көңіл көтеру түрлері бар?

ӨЗГЕНІҢ ӨМІРІН ҚЫЗЫҚТАЙСЫЗ БА, ӨЗ ӨМІРІҢІЗДІ ҚЫЗЫҚТЫ ЕТЕСІЗ БЕ?

Бүгінгі сұранысқа ие болып отырған ойын-сауық түрлерінің көбі адамды қимыл-қозғалыстан құр қалдырып, бір нәрсеге телміртіп қояды. Кітап оқығанда, фильм не телебағдарламаны көргенде біз өзгенің ой-қиялынан туған дүниені тамашалаймыз. Ал өзіміздің жасампаздығымыз бен ой-қиялымызды ұштамаймыз. Әрине, бір нәрсе оқып не көретін де кез болады. Бірақ көпшіліктің айтуынша, белсенді ойын-сауық түрлерінің адамға тигізер пайдасы көбірек. Мысалы, кейбірі музыкалық аспапта ойнағанды, басқасы сурет салғанды ұнатады. Өзгелері далаға шығып спортпен шұғылданады, табиғатқа шығады не суда жүзеді. Қандай ойын-сауық түрін таңдасақ та, “бәрін Құдайды дәріптеу үшін істейік” (Қ1х 10:31).