Құдайдың көзге көрінбейтін қасиеттерін байқайсыз ба?

Көз тұндыратын шоқ гүлдерді, аспандағы жымыңдаған жұлдыздар мен гүрілдеп аққан сарқыраманы көргенде, Жаратқанның шеберлігін байқайсыз ба? Бізді қоршаған табиғат Ехобаның көзге көрінбейтін қасиеттерін паш етіп тұр (Рм 1:20). Көргендерімізді көңіл сүзгісінен өткізер болсақ, Құдайдың күш-құдіретін, сүйіспеншілігін, даналығын, әділдігі мен жомарттығын байқай аламыз (Зб 104:24).

Сіз күн сайын Ехобаның жасампаз туындыларының қайсысын көріп жүрсіз? Тіпті қалалық жерлерде де құстар мен жайқалған жасыл ағаштар бар. Ехобаның жаратылыстарын мұқият бақылағанымыз уайымымыздың жүгін жеңілдетіп, назарымызды маңыздырақ нәрселерге бұруға көмектеседі. Ехобаның бізді мәңгі бақи қамқорлай алатынына деген сенімімізді де бекемдейді (Мт 6:25—32). Балаларыңызға да Ехобаның теңдесі жоқ қасиеттерін тануға көмектесіңіз. Жаратылыстарға ризашылығыңыз артқан сайын, Жаратушыға жақындай түсесіз (Зб 8:3, 4).

“ҒАЖАЙЫП ЖАРАТЫЛЫСТАР ҚҰДАЙДЫҢ ДАҢҚЫН ПАШ ЕТЕДІ: ЖАРЫҚ ПЕН ТҮСТЕР” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• Пигменттер арқылы түрлі түстердің көрінуін қалай түсіндіресіз?

• Құбылмалы түстер қалай пайда болады?

• Аспан неге түрлі түске енеді?

• Сіз тұратын жерде қандай ерекше түсті жаратылыстар кездеседі?

• Неліктен табиғатты тамашалауға уақыт тапқанымыз абзал?