Ехобаның моральдық нормаларын ұстанайық

Ехоба Құдай адамдар үшін моральдық нормалар орнатқан. Мысалы, ол неке әйел мен еркектің мәңгілік одағы болады деп шешті (Мт 19:4—6, 9). Ехоба жыныстық азғындықтың кез келген түріне тыйым салады (Қ1х 6:9, 10). Ол тіпті таңдап алған халқына киім мен сырт көрініске қатысты принциптер берген (М5ж 22:5; Т1х 2:9, 10).

Бүгінде көп адам Ехобаның нормаларын аяқ асты етеді (Рм 1:18—32). Олар киімге, сырт көрініс пен жүріс-тұрысқа келгенде, көпшіліктің пікіріне бой алдырады. Көбісі істеген ауыр күнәлары үшін мақтанады, ал басқаша өмір сүретіндерді жамандайды (Пт1х 4:3, 4).

Ехоба куәгерлері ретінде біз еш қорықпай, Ехобаның моральдық нормаларын ұстануға тиіспіз (Рм 12:9). Қалайша? Біз Ехобаға не ұнамды екенін ілтипатпен өзгелерге айтуымыз қажет. Бірақ сонымен қатар оның жоғары нормаларын жеке өмірімізде ұстануымыз керек. Мысалы, киім таңдағанда былай деп ойланып көрсек болады: “Таңдаған киімім Ехобаның нормаларына сай келе ме, әлде мына әлемдікіне ме? Киімімнен, сырт көрінісімнен Құдайдан қорқатын адам екенім көріне ме?” Я қандай да бір фильм не бағдарлама көргіміз келгенде, былай деп ойланайық: “Бұл бағдарламаны Ехоба құптай ма? Ол кімнің моральдық нормаларын ұстануға талпындырады? Мен таңдаған көңіл көтеру түрлері моральдық жағынан құлдыратпай ма? (Зб 101:3). Немесе отбасымды не басқа біреулерді сүріндіріп жүрмей ме?” (Қ1х 10:31—33).

Ехобаның моральдық нормаларын ұстанғанымыз неге соншалықты маңызды? Өйткені жақында Иса Мәсіх халықтарды және зұлымдықты түгел жояды (Езк 9:4—7). Тек Құдайдың еркін орындаған адамдар ғана аман қалады (Ж1х 2:15—17). Ендеше, Ехобаның моральдық нормаларын ұстана берейік. Сонда жақсы жүріс-тұрысымызды көрген адамдар Құдайды дәріптейтін болады (Пт1х 2:11, 12).

“ЕХОБАНЫҢ ДОСЫ БОЛ. БІРІ ЕРКЕК, БІРІ ӘЙЕЛ” ДЕГЕН МУЛЬТФИЛЬМДІ КӨРІП БОЛҒАН СОҢ, ТӨМЕНДЕГІ СҰРАҚТАРҒА ЖАУАП БЕРІП КӨРІҢІЗ:

• Ехобаның нормаларына сай өмір сүру неліктен даналыққа жатады?

• Неге ата-аналар балаларына кішкентай кездерінен бастап Ехобаның моральдық нормаларын үйретулері керек?

• Қалай жастар да, жасы үлкендер де басқаларға Құдайдың ізгілігінің пайдасын көруге көмектесе алады?