Шындықты үйретейік

Қыркүйек айынан бастап мәсіхшілік өміріміз бен қызметіміз кездесуінің жұмыс дәптерінде “Шындықты үйретейік” деп аталатын жаңа ұсыныс үлгісі шығатын болады. Мақсатымыз сұрақ пен тармақты қолдана отырып, Киелі кітаптағы бір негізгі шындыққа назар аудару болады.

Қызығушылық танытқан адамның назарын қандай да бір әдебиетке аударсақ не оған jw.org сайтынан бейнеролик көрсетсек болады. Осылайша оның бізбен тағы кездесуге қалауын оятамыз. Тақырыпты әрі қарай өрбіту үшін мүмкіндігінше бірер күннен кейін қайтып барған жақсы. Аталмыш жаңа ұсыныс үлгілері мен оқушылардың тапсырмалары “Киелі кітап үйретеді” басылымының жеңілдетілген түрі болып табылатын жаңа басылымға негізделеді (әзірге қазақ тілінде жоқ). Басылымдағы тарауды шолуға арналған қоршауда қайта барғанда я зерттеу сабағын өткізгенде тек Киелі кітапты қолданып сөйлесуге көмектесетін қосымша сұрақтар мен тармақтар келтіріледі.

Өмірге апаратын жол біреу-ақ (Мт 7:13, 14). Уағызда біз діндері мен шыққан орталары әртүрлі адамдармен сөйлесеміз. Олай болса, олардың әрбіріне тартымды болатын Киелі кітап шындықтарын жеткізуіміз керек (Т1х 2:4). Киелі кітаптағы түрлі тақырыптарды жақсы біліп алсақ әрі “шындық сөзін дұрыс үйретуде” шебер бола түссек, қуанышымыз да артып, басқаларға шындықты үйретуде көп жетістікке жетеміз (Т2х 2:15).