Басқарушы кеңестің жаңа мүшесі

ҚАҢТАРДЫҢ 24-інде 2018 жылы Құрама Штаттардағы және Канададағы Бетел отбасылары ерекше бір хабарландыру естіді. Кеннет бауырлас Ехоба куәгерлерінің Басқарушы кеңесінің мүшесі болып тағайындалды.

Кеннет бауырлас Құрама Штаттарының Пенсильвания штатында дүниеге келіп, сол жерде өскен. Ол шындықты дәл мектеп бітірер алдында сыныптасынан естиді. Сөйтіп, 1980 жылы 7 маусымда шомылдыру рәсімінен өтеді. Кеннет бауырлас 1982 жылдың 1 қыркүйегінде тұрақты ізашарлық қызметін бастайды. Екі жыл толық уақытты қызмет еткеннен кейін Нью-Йорк штатындағы Уолкилл қаласына шақырылады. Осылай ол 1984 жылдың 12 қазанында өзінің бетелдік қызметін бастайды.

Кеннет бауырлас 25 жыл бойы әртүрлі бөлімде қызмет етті. Мысалы, баспаханада және Бетел бюросында. 1996 жылы ол жұбайы Джемиге үйленіп, ол да Кеннетпен бірге Уолкилде қызмет ете бастайды. Екеуі Паттерсондағы Күзет мұнарасының білім орталығына ауысып, Кеннет бауырлас хат алысу бөліміне тағайындалады. Уолкилдегі кешенге қайтып, онда азғана уақыт қызмет еткен соң, Кеннет пен Джеми Бруклинге көшеді. Бес айдан кейін олар Нью-Йорк штатындағы Уорвикте орналасқан дүниежүзілік бас басқармаға көшеді. 2017 жылы қаңтарда Кеннет бауырлас Жазушылар комитетінің көмекшісі болып тағайындалды.