“Бірліктің үлгісі”

ИДАЯТУБА (Бразилия, Сан-Паулу) қаласында шығатын газеттегі мақала осындай тақырыппен шыққан болатын. Мұндай үлгі көрсеткен кім болды екен? Мақаланың авторы былай деп жазды: “Патшалық Сарайын” соғуды жоспарлап жатқан Ехоба Куәгерлері — олар өздерінің шіркеулерін немесе лекторийлерін осылай атайды — қызметтестіктің керемет үлгісі. Мұны елеусіз қалдыру мүмкін емес”.

Мұндай жағдайларда Ехоба Куәгерлерінің арасындағы бірлік айқын көрінеді. Мақалада былай деп ескерілді: “Құдайға бірге мінажат ету үшін зал соғу барысында ерікті жұмысшылардың — ерлер, әйелдер және жас өспірімдердің — бар ынталарымен иін тіресе еңбек етіп жүргендері көңілді толқытады”.

Ехоба Куәгерлері басқа жағдайларда да жақсы үлгі көрсетеді. Мақалада былай делінген болатын: “Киелі кітапты зерттеп, дұға айтумен қоса, олардың мақсаты — маскүнемдер мен нашақорлардың жөнделуіне көмектесу, сондай-ақ адамдарға ынтымақтастық пен сүйіспеншілікке қол жеткізудің жолын көрсету болып табылады”. Олар мұны қалай жүзеге асыруда? Куәгерлер Киелі кітаптың кеңестерін өмірде қолдану адамның жаман қасиеттерінен арылуына көмектесетінін біледі. Сондықтан олар Киелі кітаптан өздері үйренген нәрселерді басқаларға үйретуге тырысады. Мақаланың соңында Ехоба Куәгерлерінің “еш күмәнсыз, кешеуілдетпестен еліктеуге тұрарлық үлгі” екендігі айтылған.

Ехоба Куәгерлерінің кездесулерінде барлық адамдар үшін есік ашық, әрі онда келушілерден ақша жиналмайды. Сізді шын жүректен жақын арадағы Патшалық Сарайына шақырамыз.