Патшалықтың талаптары. Құдайдың әділдігіне ұмтылу

СІЗ көршіңізді көріп, амандасасыз. Байқауыңызша, соңғы кездері ол сіздің отбасыңызды бақылап жүрген сияқты. Сәлеміңізді алған соң, ол қол бұлғап, сізді шақырады да: “Біраздан бері білгім келіп жүр еді, неге сіздер елден ерекшесіздер?”— деп сұрайды. Сіз: “Түсінбедім?”— дейсіз. Сонда ол былай дейді: “Сіздер Ехоба куәгері емессіздер ме? Өзге дінді ұстанатындардың ешқайсысына ұқсамайсыздар. Айтпағым — мейрамдарды тойламайсыздар, саясат пен соғысқа араласпайсыздар. Шылым да шекпейсіздер. Бүкіл отбасыңыз әдепті. Осының бәрінің себебі неде?”

Бұл сұрақтың жауабы мынаған келіп саятынын сіз жақсы білесіз: Құдай Патшалығының азаматы болғандықтан біз соның талаптарына сай өмір сүреміз. Патшамыз Иса ізбасарларын үнемі тазартып отырады. Ол бізге өз ізімен жүруге көмектеседі, соның арқасында мына зұлым дүниедегі адамдарға ұқсамаймыз. Бұл бөлімде біз Патшалықтың Құдай халқын рухани, өнегелік жағынан қалай тазартқанын, ұйымда қандай өзгерістер болғанын қарастырамыз. Ал мұның бәрі Ехобаның даңқын арттырады.