Жүрек толғанысы

1. Әке, көңіліңнен шықсын

Менің жүрек толғанысым.

Күні бойғы ойларым да

Сенімімді тек нығайтсын.

Түнгі ұйқымды бұзғанда,

Түрлі ойлар мазамды алып,

Өзің жайлы толғанамын,

Тәліміңді еске алып.

2. Ойлар таза да шынайы,

Игі, кіршіксіз, ұнамды,

Сабыр беріп жүрегіме,

Орнықтырсын ой-санамды.

Даналығың ұшан-теңіз,

Сөздеріңе баға жетпес.

Ойға шомып отырайын,

Олар мәңгі естен кетпес.