Vanda Kikesa mpi Kangama Kaka na Yehowa Bonso Benaya

Benaya vandaka soda ya kikesa na ntangu ya ntotila Davidi mpi ntotila Salomo. Benaya vandaka mwana ya nganga-nzambi mpi yo lombaka ve nde yandi nwana bitumba, kansi yandi vandaka kikesa mingi mpi nwanaka ngolo bitumba ya Yehowa. Mu mbandu, yandi fwaka ntambu mosi na dibulu ya masa mpi soda mosi ya mbeni yina vandaka ngolo mingi. Davidi vandaka kutudila Benaya ntima mingi, yo yina yandi tulaka yandi mfumu ya basoda yina vandaka kutanina yandi.​—2 Sam. 23:20-23.

Benaya kangamaka na Davidi ntangu Absalomi mpi Adoniya sosaka kubotula kimfumu ya Davidi. (2 Sam. 8:18; 15:18; 1 Bant. 1:8) Ntangu Davidi kumaka mununu, Benaya sadisaka yandi na kukumisa Salomo ntotila. (1 Bant. 1:32-40) Ya kieleka, ata bantu ya nkaka vandaka kuyambula Yehowa mpi kutelemina bantotila yina Yehowa vandaka kutula, Benaya vandaka kusala ve bonso bo.

Beto mpi fwete vanda kikesa sambu na kutelemina mbeni na beto Satana mpi bantu na yandi. Diaka, beto fwete vanda ti lukanu ya kulanda kuzitisa bansiku ya Yehowa. (Baef. 6:11; 1 Pie. 5:8, 9) Ata bantu ya nkaka me yambula Yehowa, beto fwete kangama kaka na yandi mpi kundima nde yandi ta sakumuna beto.​—2 Sam. 22:26.