Nge Lenda Nunga Ata Nge Kele ti “Nsende na Nsuni”!

Na bilumbu yai ya nsuka mpi ya mpasi, bansadi yonso ya Nzambi ke kutana ti bampasi. (2Tm 3:1) Inki mutindu beto lenda tula ntima nde Yehowa ta sadisa beto na kukanga ntima na bampasi? Songa video “Meso ya Bifwa-Meso Ta Kanguka” sambu na kumona mambu yina Talita Alnashi mpi bibuti na yandi salaka. Na nima beno pesa mvutu na bangiufula yai:

• Inki nsende Talita vandaka ti yo na nsuni?

• Inki balusilu ya Biblia sadisaka Talita mpi bibuti na yandi na kutanina bikalulu na bo ya mbote?

• Inki bibuti ya Talita salaka sambu na kumonisa nde bo ke tudilaka Yehowa ntima, ntangu bo salaka mwana na bo operazio?

• Inki mutindu bibuti ya Talita sadilaka mbote bisadilu yina organizasio ke basisa sambu na kusadisa mwana na bo na kulanda kuzola Nzambi?

• Inki mutindu Talita monisaka nde yandi ke yela na kimpeve ata yandi kele ti “nsende na nsuni”?

• Inki mutindu mbandu ya Talita ke pesa nge kikesa?