Yezu Fwaka mpi Sambu na Mpangi na Nge

Yezu pesaka luzingu na yandi sambu na bantu ya kukonda kukuka. (Bar 5:8) Ntembe kele ve nde beto ke sepelaka mutindu Yezu monisaka zola na yandi sambu na beto mpi pesaka luzingu na yandi sambu na beto. Yo yina beto fwete vila ve nde Yezu fwaka mpi sambu na mpangi na beto. Inki mutindu beto lenda monisa zola na bampangi na beto yina kele mpi bantu ya kukonda kukuka, mutindu Kristu monisilaka beto? Beto tadila mambu tatu. Ya ntete, beto fwete yedisa kinduku na beto ti bampangi yina kele ya kuswaswana ti beto. (Bar 15:7; 2Bk 6:12, 13) Ya zole, beto fwete buya kutuba to kusala mambu yina lenda pesa bampangi ya nkaka mpasi. (Bar 14:13-15) Ya tatu, beto fwete vanda ya kuyilama na kulolula bampangi na beto. (Luk 17:3, 4; 23:34) Kana beto ke sala bikesa na kulanda mbandu ya Yezu na mambu yai, Yehowa ta sakumuna dibundu na kuvanda na ngemba mpi na bumosi.

SONGA VIDEO KUMA KITOKO MINGI! MPI NA NIMA BENO PESA BAMVUTU NA BANGIUFULA YAI:

• 

  Inki mutindu Miki kudiwaka na luyantiku ntangu yandi kumaka na dibundu ya mpa?

• 

  Inki sadisaka yandi na kusoba mabanza na yandi?

• 

  Inki mutindu mbandu ya Yezu sadisaka Miki na kusoba mutindu na yandi ya kutadila mambu? (Mar 14:38)

• 

  Inki mutindu Bingana 19:11 lenda sadisa beto na kuvanda ti mabanza ya mbote sambu na bampangi na beto Bakristu?