ZINGA MUTINDU BAKRISTU FWETE ZINGA
Inki Ntangu Mono Lenda Kuma Mupasudi-Nzila na Mvula ya Ke Kwisa?
Mbona-meso ya tempelo ya Ezekiele ke monisa nde bansadi ya Yehowa ta pesaka makabu ya luzolo. Inki mutindu beto lenda pesa Yehowa bimenga ya lukumu?—Ebr 13:15, 16.
Beto lenda sala yo kana beto sala kisalu ya kimupasudi-nzila nsadisi. Na mvula ya kisalu 2018 bangonda mingi kele ti bamposo tanu mpi balumingu tanu. Yo kele kibeni dibaku ya mbote sambu na bampangi yina ke salaka kisalu ya kinsuni ya ke bakaka bo ntangu mingi mpi bayina ke samunaka mbala mingi na nsuka ya mposo. Diaka, bansamuni lenda pona na kusala bangunga 30 to 50 na ngonda ya Marsi ti Aprili mpi na ngonda ya viziti ya Nkengi ya nziunga.
Ebuna, nki beto lenda sala kana luzingu na beto ke pesa beto ve nzila ya kukuma bapasudi-nzila? Beto lenda sala bikesa sambu na kutomisa kisalu na beto ya kusamuna mpi kusala bangunga mingi. Yo vanda luzingu na beto ke pesa beto nzila to ve, zola ya Yehowa fwete pusa beto na kusadila yandi mingi na mvula ya kisalu 2018.—Oze 14:2.
Inki mutindu mono lenda landa mbandu ya kikesa ya Sabina Hernández?
BENO TALA VIDEO—TI LUSADISU YA YEHOWA, MONO LENDA SALA KONSO KIMA YINA. NA NIMA BENO PESA MVUTU NA BANGIUFULA YAI:
Inki pusaka Sabina na kusala mingi na kisalu ya Yehowa?
Inki mutindu mbandu ya Sabina ke pesa nge kikesa?
Na mvula ya kisalu 2018, inki ngonda to bangonda nge lenda sala kisalu ya kimupasudi-nzila nsadisi?