Baluzayisu

◼ Mikanda ya kukabula na Novembri mpi Desembri 2014: Inki Biblia Kelongaka Mpenza? to batrakiti yina beno kele na yo sambu na kuyantika kulonguka Biblia ti muntu. Yanuari mpi Februari 2015: Kamukanda Nsangu ya Mbote ya Mekatuka na Nzambi! sambu na kuyantika kulonguka Biblia ti muntu. Noti: Kamukanda yai kele na bandinga 22 yina bo ke tubaka na teritware na beto: Alur, Cibemba, Kanyok, Kikongo ya Leta, Kiluba, Kinande, Kinyarwanda, Kipende, Kisonge, Kituba (Brazzaville), Kongo, Lega, Lingala, Lomongo, Mashi, Ngbaka, Otetela, Sanga, Swahili (Congo), Tshiluba, Uruund, Zande.

◼ Nzo-Nkanda ya Kisalu ya Kimupasudi-Nzila ta salama na mposo ya ke banda na Desembri 22 to na Desembri 29, 2014. Ngonda mosi na ntwala nde nzo-nkanda kuyantika, nkengi ya nziunga ta tindila konso mwana ya nzo-nkanda emvitasio ti mukanda ya mpa. Beto ke lomba beno na kudibongisa sambu na lukutakanu yai sipesiali.—Esd. 7:10.