Baluzayisu

◼ Mikanda ya kukabula na Desembri: Inki Biblia Kelongaka Mpenza? to Keti Nge Tazola Kuzaba Kyeleka?

◼ Na 2014, konso mposo manaka ya Nzo-Nkanda ya Kisalu ya Teokrasi ta tadila masolo ya nkaka yina ta katuka na mukanda Étude perspicace des Écritures. Yo yina, konso dibundu ta baka kopi mosi ya ba volime yonso zole ya mukanda yai na Kifalansa. Konso nsamuni lenda sadila mukanda yai ya mfunu. Sambu na kutanina mikanda yai zole na putulu, na banselele, mpi na masa ya mvula, beno fwete bumba mpi kutanina yo na kati ya sachet na biblioteke ya dibundu. Mikanda yai zole fwete bikala kaka na Nzo ya Kimfumu. Bo fwete pesa mpangi mosi mukumba ya kusadisa bampangi yonso yina kele ti mfunu ya kusadila mikanda yai, mu mbandu kubalula baparagrafe ya nkaka. Diaka, mpangi yina fwete zikisa nde bo ke sadila mikanda yai zole mbote-mbote.

◼ Na kilumbu ya Mposo, Desembri 14, 2013 bo ta sala kisalu ya kutula bunkete na Betele. Beto ke lomba beno na kubaka ve bangidika ya kukwenda kutala Betele to bampangi ya ke salaka kuna na kilumbu yina.