Mvutukilu ya Nzo-Nkanda ya Kisalu ya Teokrasi

Beno ta sadila bangiufula yai ya ke landa na Nzo-Nkanda ya Kisalu ya Teokrasi na mposo yina ke banda na Yuni 24, 2013. Beto me tula dati yina beno ta longuka mambu yonso yina bangiufula ke tadila na mpila nde beno kuka kusala bansosa ntangu beno ta bongisaka nzo-nkanda konso mposo.

1. Inki Yezu zolaka kutuba ntangu yandi tubaka na Yoane 3:14, 15 nde: “Kaka mutindu Moize tedimisaka nioka na ntoto ya zelo na zelo, mutindu mosi mpi bo fwete tedimisa Mwana ya muntu”? [Mayi 6, it-2-F lut. 940]

2. Na nki ntangu balongoki ya Kristu ta baka luzingu na kati na bo mosi to ta baka mpenza luzingu yonso? (Yoa. 6:53) [Mayi 13, w03 10/1 lut. 9 par. 1]

3. Pesa mbandu ya ke tendula mutindu Yezu monisaka Tata na yandi na bantu ya kukonda kukuka. (Yoa. 8:28) [Mayi 20, w11 5/1 lut. 7 par. 3]

4. Inki beto ke longuka mutindu Yezu ‘basisaka mansanga’ na lufwa ya nduku na yandi Lazare? (Yoa. 11:35) [Mayi 20, w08-F 5/1 lut. 24 bapar. 3-5]

5. Inki dilongi ya nene Yezu pesaka ntangu yandi yobisaka makulu ya balongoki na yandi? (Yoa. 13:4, 5) [Mayi 27, w99-F 3/1 lut. 31 par. 1]

6. Inki mutindu mpeve ya Nzambi lenda twadisa beto? (Yoa. 14:26) [Mayi 27, w11 12/1 lut. 16 par. 9]

7. Na Yoane 21:15, ngogo “yai” ke tendula nki, mpi nki dilongi beto ke baka? [Yuni 3, w08 4/1 lut. 10 par. 11]

8. Na kutadila mambu yina kele na Bisalu 2:44-47 mpi Bisalu 4:34, 35, nki mpeve Bakristu fwete landa? [Yuni 10, w08 5/1 lut. 30 par. 5]

9. Na disolo ya kele na Bisalu 7:59, keti Etiene vandaka kusambila Yezu? [Yuni 17, w08 5/1 lut. 31 par. 2]

10. Inki mutindu beto lenda landa mbandu ya kitoko ya Barnabasi, mpi nki mambote beto ta baka kana beto sala mpidina? (Bis. 9:26, 27) [Yuni 24, bt-F lut. 65 par. 19]