Baluzayisu

◼ Mikanda ya kukabula na Desembri: Muntu ya Kuluta Nene ya Ntangu Yonso. Kana bantu yango kutuba nde bo ke na bana, pesa bo mukanda Longuka na Longi ya Nene. Yanuari: Inki Biblia Kelongaka Mpenza? Kana bawi kutuba nde bo kele dezia ti mukanda yina, bansamuni lenda pesa bo konso mukanda ya balutiti 192 yina mpusu na yo meyantika kukuma ya ntama to konso mukanda yina ya bo basisaka na ntwala ya 1992. Februari: Kinsweki ya Kyese ya Dibuta. Marsi: Inki Biblia Kelongaka Mpenza? Beno sala ngolo sambu na kuyantika kulonguka Biblia ti bantu.

◼ Nsoba ya manaka ya kulonguka ya Biblia ya dibundu: Banda na mposo ya Desembri 29, 2008, mabundu talongukaka masolo ya Nzozulu ya Nkengi na kutadila programe mosi ya sikisiki yina tabasikaka na konso nimero ya Kisalu na Beto ya Kimfumu. Bangyufula tabasika ntama mingi ve na ngika ya Kisalu na Beto ya Kimfumu.