Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Augusti 25, 2008. Nkengi na nzo-nkanda tatwadisa mvutukila yai na minuta 30 na kutadila malongi ya badevware yina kusalamaka na bamposo yina kebanda na Yuli 7 tii na Augusti 25, 2008.

BIKALULU YA MUTUBI

1. Inki mutindu beto lenda monisa bukatikati na ntangu beto kelonga kyeleka na bantu yankaka? (Filp. 4:​5, NW) [be lut. 251 par. 3]

2. Inki mutindu mbandu ya Polo ntangu yandi vandaka kutubila bantu ya Grese na Areopage lenda sadisa beto ntangu beto ke ta kimbangi na bantu yina kendimaka ve kiyeka ya Biblia? (Bis. 17:​22, 23) [be lut. 252 bapar. 1-2]

3. Ata beto lenda vanda ti banzikisa ya ngolo ya kendimisa nde ngindu ya muntu yina beto kesolula ti yandi kele kifu, inki mutindu beto lenda monisa bukatikati ntangu beto kesolula ti yandi? [be lut. 253 bapar. 1-2]

4. Ntangu beto kesala ngolo sambu na kutuba na mutindu ya kendimisa, inki beto fwete vila ve? [be lut. 255 par. 3, lupangu]

5. Inki mutindu beto lenda sadila luswasukusu ntangu beto kesosa kusimba ntima ya muwi? (Bing. 20:⁠5) [be lut. 258 par. 1–lut. 259 par. 1]

DISOLO NO. 1

6. Inki bampangi-bankento fwete vila ve ntangu bo kepona kadre mosi? [be lut. 44 bapar. 5-6]

7. Inki bampangi-babakala fwete sosa kulungisa ntangu bo kesala bantendula ya mfunu ya lutangu ya Biblia? (Neh. 8:⁠8) [be lut. 47 bapar. 2-3]

8. Inki mutindu mpangi-bakala fwete sala devware ya kele ti nsonga to interview na Lukutakanu ya Kisalu? [be lut. 49 par. 6]

9. Inki mutindu mukanda ya Bisalu ketendula mutindu mpi kiteso yina beto fwete ta kimbangi? (Bis. 20:​20, 21; 28:23) [bsi08-1 lut. 16 par. 35]

10. Mutubi yina kesala diskure ya bantu yonso lenda sala nki sambu na kuzikisa nde mambu ya yandi kelonga kekatuka na Biblia? (Bis. 17:​2, 3) [be lut. 52 par. 6–lut. 53 par. 2]

LUTANGU YA BIBLIA YA MPOSO NA MPOSO

11. Sambu na nki polisi ya bwala Filipi yina vandaka kukengila boloko zolaka “kudifwa yandi mosi”? (Bis. 16:​25-27) [w90-F 5/15 lut. 25, lupangu]

12. Inki Gayusi ti Aristarke kusalaka na ntwala ya mpasi ya bo vandaka kumonisa bo? (Bis. 19:29; 20:​4, 5) [w08 2/1 lut. 14 bapar. 16-17]

13. Mutindu Saule vandaka “kudilwadisa mutindu ngombe ke kudilwadisa ntangu yandi ke bula dikulu na yandi na nsongi ya nti ya mfumu na yandi” vandaka kutendula nki? (Bis. 26:14) [w03-F 10/1 lut. 32]

14. Inki mutindu ‘masumu lendaka kumona nzila na nsadisa ya bansiku’ yina Nzambi kupesaka na Izraele? (Roma 7:​8, 11) [w08 6/1 “Ndinga ya Yehowa Kele ya Moyo​—⁠Bangindu ya Mfunu ya Mukanda ya Roma”]

15. Inki mutindu beto ‘ketulaka makala ya tiya’ (NW) na ntu ya mbeni? (Roma 12:20) [w08 6/1 “Ndinga ya Yehowa Kele ya Moyo​—⁠Bangindu ya Mfunu ya Mukanda ya Roma”]