Baluzayisu

◼ Mikanda ya kukabula na Yuli ti Augusti: Beno lenda sadila konso kamukanda yina na kati ya tumikanda yai ya balutiti 32: Inki Kekuminaka Beto Kana Beto Mefwa?; Keti ya Kyeleka Nzambi Kekudibanzaka Sambu na Beto?; Keti Beto Fwete Kwikila na Butatu Busantu?; Le nom divin qui demeure à jamais; Ntangu Muntu ya Nge Kezolaka Mefwa; “Tala, mono kesala bima yonso ya mpa”; Zinga Mvula na Mvula na Kiese na Ntoto!; Bampeve ya bafwa​—⁠Keti bau lenda sadisa nge to kusala nge imbi? Keti ya kyeleka bau kele?; mpi Nzila Yina Kenataka na Luzingu ya Mvula na Mvula​—⁠Keti Nge Mezwaka Yo? Septembri: Nzozulu ya Nkengi mpi Réveillez-vous ! Kana muntu kumonisa mpusa, songa mpi tadila ti yandi trakiti Aimeriez-vous en savoir plus sur la Bible ? ti lukanu ya kuyantika kulonguka Biblia ti yandi.

◼ Sambu Augusti tavanda ti bawikendi tanu, yo tavanda ngonda ya mbote sambu na kusala kisalu ya kimupasudi-nzila nsadisi.

◼ Yantika na Septembri, bankengi ya nzyunga tasala diskure ya bantu yonso yina tavanda ti ntu-dyambu “Tambula na Nzila ya Kwikama.”

◼ Biro ya filiale ketindaka ve mikanda ya muntu melomba yandi mosi. Nkengi-ntwadisi fwete yilama sambu na kupesa luzayisu konso ngonda na ntwala ya kutinda komande ya mikanda ya dibundu ya konso ngonda na biro. Mpidina, bantu yonso yina kezola kuzwa konso mukanda yina, lenda zabisa mpangi yina kesalaka na mikanda. Beto kelomba beno na kuvila ve mikanda yina kelombaka kusala komande ya sipesiali.

◼ Beno fwete sala emvantere ya mikanda ti ya baperiodike yonso yina kele na stoki na Augusti 31, 2008, to ntama mingi ve na nima ya dati yai. Emvantere yai kele kiteso mosi ti kutanga mikanda yina kordinatere ya mikanda kesalaka konso ngonda, mpi beno tasonika bantalu ya kimvuka na formilere Stock des publications (S-18). Beno tazwa ntalu ya kimvuka ya baperiodike yina mebikala na stoki na (ba)nsadi yina ketalaka baperiodike. Sekretere ya dibundu yina kele kordinatere na mikanda muntu fwete twadisa emvantere yango. Ebuna yandi ti nkengi-ntwadisi ya dibundu yina kele kordinatere na mikanda tatula siniatire na formilere yango. Beto tatindila konso dibundu yina kele kordinatere na mikanda baformilere tatu ya Stock des publications. Beto kelomba beno na kutinda formilere ya kisina na biro ya filiale na ntwala ya Septembri 6. Beno tabumba kopi mosi na badosie na beno, ebuna beno lenda sadila kopi ya tatu bonso kopi ya kulosa na nima.

◼ Beto fwete sadila mukanda Biblia Kelongaka sambu na kuyantika kulonguka Biblia ti bantu na kisika ya kusadila kamukanda Inki Nzambi Kelombaka. Beto lenda landa na kukabula kamukanda Inki Nzambi Kelombaka tii kuna yo tamana.

◼ Banda Yanuari 2008, beto lenda widikila Nzozulu ya Nkengi ti Réveillez-vous ! ya Kingelesi ti ya Kifalansa na site ya Internet www.jw.org. Bantu mingi kesepelaka kutula yo na bakaseti, ebuna bo lenda widikila yo na ntwala nde ba CD to MP3 kukuma na mabundu. Konso ntangu yina beto ketulaka banimero yina na bakaseti, yo kematisaka ntalu ya mbongo yina organizasio kefutaka. Kansi, kusala mutindu yai kelombaka ve mbongo mingi kuluta kusala ba CD mpi kutinda yo na bansi. Yo yina, beto kesyamisa bansamuni yina kebaka banimero ya bazulunalu na site ya Internet mpi ketula yo na bakaseti, na kusala dyaka ve bakomande sambu na kulomba ba CD to MP3 na nsadi yina ketalaka baperiodike. Na nima, beto tatula mpi baperiodike yai ya kuwidikila na bandinga yankaka na site ya Internet www.jw.org.

◼ Bansoba ya Lukutakanu ya Distrike 2008: Badati ya balukutakanu ya distrike na Lubumbashi mesoba. Lukutakanu ya Kifalansa na Lubumbashi tasalama na Augusti 8-10, 2008 mpi ya Swahili ti ya Cibemba na Augusti 15-17. Mabundu yina takwenda na balukutakanu yai mebaka mukanda ya mekatuka na biro.