Mvutukila ya Nzo-Nkanda ya Kisalu ya Teokrasi
Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Yuni 30, 2008. Nkengi na nzo-nkanda tatwadisa mvutukila yai na minuta 30 na kutadila malongi ya badevware yina kusalamaka na bamposo yina kebanda na Mayi 5 tii na Yuni 30, 2008. [Noti: Kana bo mezabisa ve kisika bo mebaka malongi na nima ya ngyufula, yo ketendula nde nge fwete sala bansosa na nge mosi sambu na kuzwa bamvutu.—Tala Nzo-Nkanda ya Kisalu, balutiti 36-7.]
BIKALULU YA MUTUBI
1. Inki beto lenda sala sambu na kuzikisa nde bantu kebakisa bingana yina beto kesadila? [be lut. 242 par. 4–lut. 243 par. 1]
2. Sambu na nki yo kevandaka mbote na kusadila bingana ya kukonda mpasi ya kekatuka na mambu yina bantu mezaba mbote? [be lut. 245 bapar. 2-4]
3. Inki kele mfunu ya kusadila mbote bima ya kemonika na meso, mpi nki mutindu Yehowa kusadilaka yo sambu na kulonga malongi ya mfunu? (Kuy. 15:5; Yer. 18:6; Yon. 4:10, 11) [be lut. 247 bapar. 1-2]
4. Inki mutindu beto lenda sadila bima ya kemonika na meso sambu na kutomisa malongi na beto? [be lut. 248 bapar. 1-3]
5. Inki mutindu beto lenda sadila bima ya kemonika na meso bonso bakarte na ntangu beto kelonga balongoki ya Biblia? [be lut. 248 par. 4]
DISOLO NO. 1
6. Na lusadisu ya mpeve santu ya Nzambi, kulonguka ya Biblia tasadisa beto na kubakisa nki? [be lut. 32 bapar. 3-4]
7. Inki mutindu beto lenda sadila Biblia yo mosi sambu na kusosa ntendula ya verse mosi? [be lut. 34 par. 4–lut. 35 par. 2]
8. Inki mutindu Evanzile ya Yoane kemonisa kisalu ya Yezu bonso nzila yina Yehowa kesadila sambu na kupesa balusakumunu na bantu? [bsi08-1 lut. 13 par. 32]
9. Inki baverse kemonisa nde Luka yina kuvandaka doktere muntu kusonikaka mukanda ya Bisalu? [bsi08-1 lut. 14 bapar. 3, 5; lut. 15 bapar. 6-7]
10. Inki muntu lenda sala sambu na kusala pula ya diskure? [be balut. 39-41]
LUTANGU YA BIBLIA YA MPOSO NA MPOSO
11. Inki tempelo bo tungaka “bamvula makumi iya na sambanu”? (Yoa. 2:20) [w08 4/1 “Ndinga ya Yehowa Kele ya Moyo—Bangindu ya Mfunu ya Mukanda ya Yoane”]
12. Banani kele bantu yina ‘mebasika na lufwa mpi ya mebaka moyo’? (Yoa. 5:24, 25) [w08 4/1 “Ndinga ya Yehowa Kele ya Moyo—Bangindu ya Mfunu ya Mukanda ya Yoane”]
13. Inki mutindu Yezu zolaka ‘kuyidika kisika’ na zulu sambu na balongoki na yandi ya kwikama? (Yoa. 14:2) [w08 4/1 “Ndinga ya Yehowa Kele ya Moyo—Bangindu ya Mfunu ya Mukanda ya Yoane”]
14. Sambu na nki Yezu kusongaka Maria Magdala na kusimba yandi ve? (Yoa. 20:17) [w08 4/1 “Ndinga ya Yehowa Kele ya Moyo—Bangindu ya Mfunu ya Mukanda ya Yoane”]
15. Inki kele ntendula ya kukwisa ya Yezu “mutindu mosi” bonso yandi mataka na zulu? (Bis. 1:9-11) [rs-F lut. 330 par. 4; it-1-F lut. 197 par. 4]