Tangaka Kumosi ti Bana na Nge

Veja, zulunalu mosi ya Brésil, ketuba nde bana ya bantu yina ketangaka mingi kelutaka kuvanda na nzala ya mikanda kuluta bana ya kezingaka ve ti muntu ya lenda pesa bo mbandu na kutanga mikanda ya mutindu yina. Martha Hoppe, nkento mosi ya kelongukaka kuyela ya bana, keyika nde: “Kutanga kumosi kekumisaka kinduku ngolo na kati ya bibuti ti bana, mpi yo kesadisaka bana na kuzaba mbote mambu ya kele na mikanda.”

Kutangila bana mambu na ndinga ya ngolo lenda sadisa nge mpi na kupesa mvutu na bangyufula mingi. Beno lenda tubila bifwanisu yina ketendula mambu ya bo mesonika. Hoppe ketuba dyaka nde: “Kana mwana mekuma kubakisa mambu ya kele na mikanda, yandi tabanda mpi kutanga yo mingi sambu na kusosa kuzaba mambu.”

Bambangi ya Yehowa mingi yina kele ti bana kezolaka kutanga mingi kumosi ti bana na bo. Bo lenda tanga mikanda bonso Mukanda ya Bankenda ya Bible, Écoutez le grand Enseignant, ti Muntu ya Kuluta Nene ya Ntangu Yonso.* Mikanda bonso yai kesadisaka bana na kuzaba kutanga mbote, yo kesadisaka bo mpi na kuzaba mambu mingi ya kele na mukanda ya kuluta mikanda yonso na zulu ya ntoto, Biblia. Yo yina, kana nge kele kibuti, vanda ngolo na kutanga Ndinga ya Nzambi sambu bana na nge kulanda mbandu yina. (Yozue 1:​7, 8) Mpi sala yonso nge zwa ntangu ya kutangilaka bo!

[Kifwanisu ya kele na lutiti 1]

Mikanda ya Watchtower Bible and Tract Society of New York, Inc. mebasisaka.