Kinzonzi ya Nene ya Connecticut Menwanina Banswa ya Mbefo
Na Aprili 8, 1996, Kinzonzi ya Nene ya Connecticut, na États-Unis, nwaninaka nswa ya Bambangi ya Yehowa ya kubuya kuvutula menga. Nzengolo yai fwaka nzengolo ya ntete ya kinzonzi.
Na Augusti 1994, menga mingi bandaka kubasika Nelly Vega, na nima ya kubuta mwana na yandi ya ntete. Bikesa yonso ya bau salaka sambu na kukangisa menga simbaka ve. Mutindu kivuvu yantikaka kukatuka sambu na madame Vega, lupitalu sosaka kuzwa nswa ya kinzonzi sambu na kuvutula yandi menga. Madame Vega vandaka meyitaka kutula maboko na mukanda mosi ya kubuya menga ntangu yonso ya yandi tavanda na lupitalu. Mukanda yina vandaka kukatula mukumba na zulu ya lupitalu kana kigonsa kusalama sambu na nzengolo na yandi. Kansi, lupitalu tubaka nde menga fwete tulama na kingolongolo, yau kele mfunu sambu na mwana ya mebutuka, sambu yandi kele na mfunu ya mama na yandi. Kinzonzi monaka mpi nde, kima ya vandaka kukonda kuvandaka kaka menga. Madame Vega vandaka dyaka leke, yandi vandaka mpi na mavimpi ya mbote. Yau yina, nkatu kulanda kubuya ya bakala ya madame Vega ti avoka na yandi, kinzonzi pesaka nswa, ye bau vutulaka yandi menga.
Na nima, dikambu yango natamaka na Kinzonzi ya Nene ya Connecticut. Kuna, bantu yonso ndimaka nde nzengolo ya lupitalu kufwaka banswa ya madame Vega. Bau zengaka makambu nde: “Bantu kusambaka na ntwala ya kinzonzi na katikati ya mpimpa, yau vandaka dyambu ya ntinuntinu, na mpila nde ndambu na ndambu, bantu lendaka ve kutendula mbotembote bikuma na bau.”
Nzengolo yai ya Kinzonzi ya Nene ya Connecticut kele mfunu mpi sambu na bantu yina kele Bambangi ya Yehowa ve. Donald T. Ridley, avoka ya madame Vega, ketuba nde: “Yau kele mfunu sambu na bambefo yonso yina lenda buya ngindu ya minganga na bau. Nzengolo yina takatula kiyeka yina balupitalu kele na yau sambu na kufwa bantoma, ya lusambu to yankaka, ya bambefo.”
[Lupangu ya kele na lutiti 32]
Keti Nge Tazola Mvutukilu Mosi?
Ata na kati ya inza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kwisa kulonguka ti nge Biblia ya ofele na inzo, beto kelomba nge na kusonika na Association “Les Témoins de Jéhovah,” B.P. 634 Limete, Kinshasa, Zaïre, to na mosi na adresi mebonga na nge yina kele na lutiti 2.