Kana Bambangi ya Yehowa Kukwisa

Inki bantu ya Katolika fwete sala kana Bambangi ya Yehowa kukwisa na nzo na bau? Na Italie, mukanda mosi ya mpa ya biro ya katekisimu (National Catechistic Bureau of the Italian Bishops’ Conference) ketuba nde: “Na ntangu yina, kubuya disolo na bumbote kansi na ntima-ngolo kele ve kumonisa nkadilu ya kukonda bumbote.”

Bantu ya Katolika yonso ve kendima yau, mutindu yau kemonika na mukanda yai ya bakala mosi ya mbanza Foggia, Italie, tindaka na zulunalu Gazzetta del Mezzogiorno:

“Mono kele Mbangi ya Yehowa ve. Mono kele muntu ya Katolika. Kansi bansiku yankaka ya dibundu kepesa Bakristu keyitukisa mono. Yau kesonga bau na kusonika na byelo na bau nde Bambangi ya Yehowa kukota ve. Inki bantu yai mesala, bau kelonga Ndinga ya Nzambi, mpi bau kesadisa bantu na kuvanda ti nzayilu ya mudindu ya Biblia. Nsiku yai keyibusa mono ntangu maladi ya kolera kotaka na Italie ti malongi ya bau vandaka kupesa sambu yau sambukila muntu ve.

“Na ngindu na mono, yau kemonisa nde dibundu ketumaka na ngolo bansiku na yau mosi nkatu kulanda luzolo ya Bakristu. Kansi na bamvula yai, mono kemona Bakatolika mpi keluta nzo na nzo, bau kekota mpi na banzo ya Bambangi ya Yehowa; ye Bambangi kekotisa bau, kesolula ti bau, nkatu kukula ata muntu mosi.”

Bambangi ya Yehowa kepusaka ve muntu na ngolo na kundima nsangu na bau. Kansi, bau kesalaka kikesa na kusonga bankaka kivuvu ya kele na Ndinga ya Nzambi, yina ya bau memonaka bau mosi nde yau kepesaka kikesa na ntangu yai ya mpasi. Na kukwendaka nzo na nzo, mpi na kutubaka ti bantu yina ya bau kekuta na balabala, Bambangi ya Yehowa kezabisaka nsangu ya mbote ya Kimfumu ya Nzambi na bayina kele ti luzolo ya kuwidikila.​—⁠Matayo 24:14; Bisalu 5:42; 17:⁠17.

[Lupangu ya kele na lutiti 32]

Keti Nge Tazola Mvutukilu Mosi?

Ata na kati ya inza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kwisa kulonguka ti nge Biblia ya ofele na inzo, beto kelomba nge na kusonika na Association “Les Témoins de Jéhovah,” B.P. 634 Limete, Kinshasa, Zaïre, to na mosi na adresi mebonga na nge yina kele na lutiti 2.