‘Mutindu Bibende Ke Pesaka Makasi Na Bibende Ya Nkaka’
PENEPENE na nsuka ya mvunkama ya tatu ya T.B., mwana ngunza mosi ya masonga, na zina ya Anthony, yina vandaka “Mukristu ya Copte,” kukatukaka na inza ye kwendaka kuzinga bamvula 20 na kati ya ntoto makanga. Sambu na inki? Sambu na yandi, yina vandaka mutindu ya mbote ya kusadila Nzambi. Yandi kuvandaka mbandu ya ntete ya kupusaka Kikristu na kuzinga na lugambuku.
Bubu yai, Kikristu kele ti bantu mingi ve ya megambukaka. Kansi bantu mingi kesosaka kuzinga na kingenga na mutindu ya nkaka. Bau kebuyaka na kusolula mambu ya lusambu ti bantu ya nkaka, na kuyindulaka nde, masolo ya mutindu yina kesukaka na kukonda kuwakana mpi bitumba. Lusambu na bau kesukaka kaka na kusala nkweno imbi ve.
Ya kyeleka, kusala nkweno imbi ve kele ndambu na kati ya malombo ya lusambu ya kyeleka, kansi mambu mingi melombama dyaka. Kingana mosi ya ntama ketuba nde: “Muntu ke pesaka mayele na muntu ya nkaka mutindu bibende ke pesaka makasi na bibende ya nkaka.” (Bingana 27:17) Kyeleka kele nde, Biblia kesyamisaka Bakristu na kuvukana kumosi, kansi na kudigambuka ve na inza to na Bakristu ya nkaka. (Yoane 17:14, 15) Yau ketuba nde: “Bika beto kutadilana bamosi ti bankaka sambu na kudipusana na zola mpi na bisalu ya mbote, nkatu kuyambula lukutakanu na beto mosi.” (Baebreo 10:24, 25, NW) Bambangi ya Yehowa kelandaka dilongi yina. Mbala mingi na mposo mosi, bau kevukanaka kumosi sambu ‘na kupesa mayele na muntu ya nkaka,’ na kutungaka lukwikilu ya bankundi na bau bankwikidi. Bau kemonaka nde masolo ya masonga ya Biblia kenataka ve bitumba. Kansi yau kenataka ngwakana ti ngemba. Yau kele kitini ya mfunu ya lusambu ya kyeleka.
[Caption on page 32]
[Box]
Keti Nge Tazola Mvutukilu Mosi?
Ata na kati ya nza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kukwisa kulonguka ti nge Biblia ya ofele na nzo, beto kelomba nge na kusonika na Association “Les Témoins de Jéhovah,” B.P.634 Limete, Kinshasa, Zaïre, to na mosi na adresi mebonga na nge. (Tala na lutiti 2.)