“Ya Kuluta Bandilu Ya Mabanza Ya Mbote”
“SAMBU bamvita kebandaka na mabanza ya bantu, kele na kati ya mabanza ya bantu beto fwete kutunga bibaka ya ngemba.” (Charter of the UN Educational, Scientific, and Cultural Organization) Ti dibanza yai na ntu, na 1993, bantu ya ngangu kiteso ya 500 ya kuvukanaka na lukutakanu ya O.N.U. sambu na kutadila dyambu ya kutulula minduki, kutadilaka kisalu ya mabundu na lutungu bibaka ya mutindu yina.
Jonathan Granoff, mumonisi ya Lawyers’ Alliance for World Security (luwakanu ya bazuzi sambu na ngemba ya nza), kutwadisaka lukutakanu. Yandi kutubaka nde: “Kiteso ya kimbeni ya mabundu ti bikanda ya bubu yai kele ya kuluta bandilu ya nkadilu ya kutoma, kana ve mpi ya kuluta bandilu ya mabanza ya mbote.” Bangogo ya John Kenneth Galbraith kubakamaka bonso ntela ya kufwana na lukutakanu: “Bau mefwaka bantu mingi na zina ya mabundu kuluta bamvita yonso ti bisumbula ya ntoto na kimvuka.”
Profesere Seshagiri Rao kutubaka nde: “Minganga kebelulaka maladi kansi keyalumunaka yau ve. Bansiku ya mabundu kele ve sambu na kuyalumuna kimbeni ti kugondana bamosi ti bankaka. Yau fwete kuvanda ngolo ya kuwisanisa. Kansi na nsadilu, yau kesalaka mbala mingi mpi kefula na kusala bonso ngolo ya nkabisa.”
Na bamvula meluta, zulunalu ya Londres Catholic Herald kutubaka nde ngemba lenda kutulama “kana mabundu ya bubu yai metuba nde dyambu mosi ve kefunda bau sambu na dyambu ya kukota na mvita.” Kansi, zulunalu yango kuyikaka nde: “Beto kezaba nde mambu yai tasalamaka ve ata fyoti.” Masele mosi ya Katolika kutubaka nde: “Inki luswaswanu takota na nza kana na menemene beto yonso kutelema na lukanu ya konda kubaka dyaka minduki, . . . kaka bonso Bambangi ya Yehowa!”
[Caption on page 32]
[Box]
Keti Nge Tazola Mvutukilu Mosi?
Ata na kati ya nza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kukwisa kulonguka ti nge Biblia ya ofele na nzo, beto kelomba nge na kusonika na Association “Les Témoins de Jéhovah,” B.P.634 Limete, Kinshasa, Zaïre, to na mosi na adresi mebonga na nge. (Tala na lutiti 2.)