Modi ki bu pode vense medu di mórti?

Respósta di Bíblia

Dja ki Bíblia ta fla ma mórti é un inimigu, é normal nu xinti medu di el. (1 Koríntius 15:26) É pur isu ki nu ta faze tudu kel ki nu ta pode pa proteje nos vida. Má pamodi mintira i superstison, alguns algen ta “pasa ses vida interu sima skravu pamodi medu di mórti.” (Ebreus 2:15) Má konxe verdadi pode liberta-u di kel medu izajeradu di mórti, ki pode tra-u alegria di vive. — Juan 8:32.

Kal ki é verdadi sobri mórti

• Kes algen mortu ka sabe di más nada. (Salmu 146:4) Tanbê Bíblia ta konpara mórti ku sónu. Pur isu, bu ka meste xinti medu di sufri ô di ser kastigadu dipôs di móre. — Salmu 13:3; Juan 11:11-14.

• Kes algen mortu ka pode prujudika-nu. Ti mésmu kes inimigu violéntu “ka ten puder” óras ki es móre. (Izaías 26:14) Bíblia ta fla ma “ses ódiu i ses siumi dja kaba”. — Ekleziastis 9:6.

• Nen sénpri mórti é ka fin di tudu. Através di resureison, Deus ta ben da kes algen ki dja móre vida otu bês. — Juan 5:28, 29; Atus 24:15.

• Deus promete ma un dia “ka ta ben ten más mórti”. (Apokalipse 21:4) Sobri kel dia, Bíblia ta fla: “Téra ta ben ser di kes algen justu, i es ta ben vive na el pa tudu ténpu”, sen xinti medu di móre. — Salmu 37:29.