Kuzê ki nu pode spera di anu 2024 — Kuzê ki Bíblia ta fla?

Txeu algen ta atxa ma ka ten soluson pa prublémas ki mundu ta ben pasa pa el na 2024. Má, nu pode atxa speransa pa futuru. Na undi?

Bíblia ta da speransa

Bíblia ta promete ma Deus ta rezolve prublémas ki ta poi nos vida ta parse sen speransa. Ka ta dura Deus “ta ben linpa tudu lágua di [nos] odju, i ka ta ben ten más mórti, nen tristéza, nen txoru nen dór.” — Apokalipse 21:4.

• Pa prende más sobri promésas di Bíblia pa futuru, lé artigu “Bu pode spera un futuru midjór.”

Modi ki Bíblia pode djuda-u gósi

Bíblia ta da speransa pa futuru ki pode djuda-u vense kes sentimentu negativu i pensa di manera puzitivu. (Romanus 15:13) Konsedju di Bíblia tanbê pode djuda-u lida ku prublémas ki talvês bu pode pasa pa el, sima pobréza, injustisa i duénsa.

• Odja modi ki speransa ki Bíblia ta da djuda un ómi xinti pas i filisidadi, sikrê el kria na pobréza. Odja vídiu Juan Pablo Zermeño: Jeová da-m un vida ku obijetivu.

• Odja modi ki Bíblia pode djuda-u lida ku sentimentus di kulpa, tristéza, preokupason i mórti di algen ki bu ta ama. Lé artigu “N pode atxa konsolu na Bíblia?”

• Odja modi ki Bíblia djuda un irman ki éra trópa muda se manera di ser. Odja vídiu Deixei as armas para trás.

Poi 2024 ta ser un bon anu pa bo i bu família. Diskubri modi ki Bíblia pode djuda-u. Sprimenta studa Bíblia ku ajuda di un algen. É di grasa. Prende modi ki Deus pode da-u “pas” gósi i tanbê “un futuru i un speransa.” — Jeremias 29:11.