Poi bu sirvisu pa Jeová na primeru lugar sima Manaen

Manaen éra un di kes irmon ki ta tomaba kónta di kongregason na Antiokia na ténpu di apóstlus. El “inxinadu djuntu ku Eródis, ki éra governador di pruvínsia”. (Atus 13:1) Pur isu, Manaen resebe un bon idukason i talvês el kriadu na un família riku.

Má simé, Manaen skodje bira un sérvu di Jeová i trabadja duru na kongregason. Enbóra el tinha txeu skóla i el konxeba pesoas ki tinha txeu puder, Manaen ka uza kes kuza li pa se interesi. Envês di kel-li, el trabadja duru pa djuda ses irmon.

Izénplu di Manaen ta mostra ma sirbi Jeová é más inportanti di ki ten fama ô txeu dinheru. Sima Manaen, nos sirvisu pa Jeová debe ser kel kuza más inportanti na nos vida envês di tenta bira riku i ganha fama na es mundu. (Mat. 6:33) Enbóra nu ta da valor pa skóla, “nu ta djobe dretu kuzê ki é más inportanti” asi pa nada ka distrai-nu di nos adorason pa Jeová. — Flp. 1:9, 10.