Imajina kes stória di Bíblia

Bíblia ten txeu stória di kuzas ki kontise mê ki ta inxina-nu lisons inportanti. Si nu tenta imajina kes stória nu ta intende-s midjór i es ta djuda-nu más txeu. Odja alguns sujiston ki pode djuda-u imajina kes stória di Bíblia.

• Lé ku vós altu. Lé Bíblia ku vós altu pode djuda-u imajina kes séna midjór. Óras ki bu ta lé Bíblia djuntu ku bu família, kada un di nhos pode lé kuzê ki un personajén fla, asi nhos ta entra na kel stória sima si nhos staba la.

• Imajina kel situason. Tenta intende kes pensamentu i sentimentu di kel algen involvidu. Pur izénplu, faze kes pergunta li: ‘Pamodi ki kel algen pâpia ô aji di kel manera li? Modi ki N ta pensaba i ajiba si N staba na kel situason li?’

• Faze un dizenhu. Dizenhu ta djuda-u imajina midjór kes stória di Bíblia i bu ka ta skese faxi di kuzê ki bu lé, sikrê kel dizenhu ka fika txeu bunitu.