ХЪЫБАРЫФІЫР ЗЭРЫДГЪЭІУР ИДОГЪЭФІАКІУЭ | ГУФІЭГЪУЭ УИ ГУМ ИЛЪУ ХЪЫБАРЫФІЫР ГЪЭІУ
Ебгъаджэр егъасэ Алыхьым гъунэгъу ухуэзыщІын щІэныгъэхэр зригъэгъуэтыну
Ебгъаджэм Иеговэ нэхъыфІу къицІыхун икІи и еплъыкІэр зригъэгъуэтын щхьэкІэ, Библием ит щІэныгъэ нэхъыщхьэхэр къищІэн закъуэр мащІэщ (Мт 5:3; Евр 5:12—6:2). Абы Алыхьым къыбгъэдэкІ ерыскъыр езым зрихьэлІэу зригъэсэн хуейщ.
Библие джыным дапхуэдэу ебгъаджэм зыхуигъэхьэзырын хуейми зэрыхъукІэ нэхъ псынщІэу егъэлъагъу икІи ар хьэл хуэхъуну дэІэпыкъу (mwb18.03 6). Ебгъаджэр хуэгъэуш Библием тегъэщІа темэ гуэр щызэпкърихкІэ сыт щыгъуи Алыхьым тхьэлъэІукІэ зыхуигъэзэну. Библиер куууэ зэпкърытхын щхьэкІэ электроннэу диІэ Іэмэпсымэхэр егъэцІыху икІи ахэр къигъэсэбэпыфу егъасэ. JW Broadcasting® программэхэмрэ jw.org сайтымрэ щІэуэ къралъхьэхэр блимыгъэкІыу ебгъаджэр дауэ еплъ хъунуми егъэлъагъу. Хуэм-хуэмурэ ебгъаджэр хуэгъэуш махуэ къэс Библием еджэну, зэІущІэхэм псоми зыхуигъэхьэзырыну, зыгъэпІейтей упщІэхэр куууэ зэпкърихыну. Ар егъасэ къищІэм куууэ егупсысыну.
«БИБЛИЕМ ЕБГЪАДЖЭМ ДЭІЭПЫКЪУ АЛЫХЬЫМ ТЕУХУА ЩІЭНЫГЪЭ ЗРИГЪЭГЪУЭТЫНУ» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:
Нитэ Джейд дапхуэдэу къызэрыгуригъэІуар Библие щІэбджым и щхьэусыгъуэр — жэуап пэжхэр къэбгъуэтын закъуэу зэрыщымытыр?
ЦІыхухъумрэ цІыхубзымрэ зэгъусэным теухуа Иеговэ и хабзэм укъызэрихъумэр Джейд сытым и фІыгъэкІэ къыгурыІуа?
Ебгъаджэм къыгурыгъаІуэ щІэныгъэ зэдгъэгъуэт закъуэу щымыту, ар ди гуми зэрынэдгъэсын хуейр
Джейд дауэ къызэрыгурыІуар Библием иту къапщІэхэм куууэ уегупсысын зэрыхуейр?