ЗэІущІэ кІэщІыр нэхъыфІу зэребгъэкІуэкІ хъунур

ХъыбарыфІ гъэІуным теухуа зэІущІэ кІэщІхэр, адрей ди зэІущІэхэми хуэдэу, Иеговэ къыщІыдитар «ди гум фІылъагъуныгъэ илъыну, фІы щІэнми дыхэтыну дызэрыгъэгушхуэн» щхьэкІэщ (Евр 10:24, 25). А зэІущІэхэр зэрекІуэкІын хуейр дакъикъитху-блыщ. (Ар нэгъуэщІ зэІущІэм иужь екІуэкІыу щытмэ, нэхъ кІэщІыжу егъэкІуэкІын хуейщ.) А зэманым къриубыдэу, къуэшым хъыбарыфІыр зыгъэІуну хуейхэр цІыхуитІурэ е гуп-гупурэ игуэшын хуейщ, участокхэри яриту, Алыхьым тхьэлъэІукІэ зыхуигъэзэн хуейщ. А зэІущІэр езыгъэкІуэкІ къуэшым хъыбарыфІыр зыгъэІунухэм занщІэу къагъэсэбэпыфын материал игъэхьэзырын хуейщ. Псалъэм папщІэ, щэбэтхэм а зэІущІэм къекІуалІэ къуэш, шыпхъухэм хъыбарыфІыр зэрагъэІурэ тхьэмахуэ дэкІауэ щытынкІэ хъунущ. Абы къыхэкІкІэ цІыхухэм щепсалъэкІэ псалъэмакъыр зэрыщІадзэ хъун зы Іэмал ебгъэлъагъумэ фІы дыдэ хъунущ. А зэІущІэм сыт иджыри щызэпкърыпх хъуну?

• «Ди гъащІэмрэ лэжьыгъэ лъапІэмрэ» жыхуиІэ дызэрылажьэ тхылъым ит цІыхухэм узэрепсалъэ хъун планхэм ит зы щапхъэ;

• хъыбарыщІэ е къэхъукъащІэ гуэрым и гугъу пщІыуэ, псалъэмакъыр зэрыщІэбдзэ хъунур;

• ущызэпаудым деж псалъэмакъым зэрыпыпщэ хъунур;

• Алыхьыр зи фІэщ мыхъу цІыхум, эволюцэр зи фІэщ хъум, нэгъуэщІыбзэкІэ псалъэхэм е фи щІыпІэм щымыІэ нэгъуэщІ дин зыІыгъхэм узэрепсалъэ хъунур;

• jw.org сайтыр, JW Library^® приложениер, Библиер къызэрыбгъэсэбэп хъунур;

• хъыбарыфІыр зэрыдгъэІу Іэмэпсымэхэр къызэрыдгъэсэбэп хъунур;

• хъыбарыфІыр Іэмал зэмылІэужьыгъуэкІэ бгъэІуу дауэ зебгъасэ хъунуми, псалъэм папщІэ, телефонкІэ, письмохэмкІэ, стендымкІэ; дауэ цІыхум и деж етІуанэу тебгъэзэж икІи цІыхур Библие ебгъаджэ хъунуми;

• хъыбарыфІыр щыбгъэІукІэ узэрысакъынур, хъыбарыфІ гъэІуным еплъыкІэ тэмэм узэрыхуиІэнур икІи гуфІэгъуэр зэрызыфІомыгъэкІуэдынур, цІыхум зыдебгъэкІуфу узэрыщытынур, гуапагъэ зэрыбгъэлъагъуэ хъунур е нэгъуэщІ зыгуэр;

• «Укъызэреджэмрэ нэгъуэщІхэр зэребгъаджэмрэ егъэфІакІуэ» жыхуиІэ брошюрэм и зы урок е видео;

• хъыбарыфІыр щыбгъэІукІэ уи гъусэм дауэ сэбэп ухуэхъуфынуми;

• хъыбарыфІ гъэІуным епха едзыгъуэ гуэр е къэхъуа Іуэхугъуэ гъэщІэгъуэн гуэр.