ХЪЫБАРЫФІЫР ЗЭРЫДГЪЭІУР ИДОГЪЭФІАКІУЭ | ГУФІЭГЪУЭ УИ ГУМ ИЛЪУ ХЪЫБАРЫФІЫР ГЪЭІУ
НэгъуэщІхэр зыдэгъэІэпыкъу
Дэ Иеговэ ди къуэш, ди шыпхъухэр къыдитащ дэІэпыкъуэгъу къытхуэхъун щхьэкІэ (1Пт 5:9). ХъыбарыфІыр щыдгъэІукІэ дызыпэщІэхуэ гугъуехьхэм дыпэлъэщыну ахэр дэ къыддэІэпыкъунущ. Псалъэм папщІэ, Акилэ, Прискиллэ, Силэ, Тимофей, нэгъуэщІ Алыхьым и лэжьакІуэхэри Паул дэІэпыкъуэгъушхуэ хуэхъуащ (Апост 18:1—5).
ХъыбарыфІыр щыбгъэІукІэ уи гъусэр дапхуэдэу къызэрыбдэІэпыкъуфынур? Къуэш, шыпхъухэм къыбжаІэфынущ ущызэпаудым деж дапхуэдэу адэкІэ уи псалъэм пыпщэ хъунуми, етІуанэу цІыхум деж дапхуэдэу тебгъэзэжынуми икІи цІыхум и гъусэу Библие джын щІэбдзэу, ар дауэ ебгъэкІуэкІынуми. ХъыбарыфІыр зэрыбгъэІур ебгъэфІэкІуэну хэт къыбдэІэпыкъуфынуми егупсыси, абы и гъусэу хъыбарыфІыр бгъэІуну кІуэ. Апхуэдэу фызэдэлажьэмэ, тІуми фи сэбэп къикІынущ икІи гуфІэгъуэшхуэ къыфхуихьынущ! (Фп 1:25).
«ХЬИСЭ И ГЪЭСЭНХЭР ЗЭРЫДГЪЭХЬЭЗЫРЫМ ГУФІЭГЪУЭ КЪЫТХУЕХЬ. ИЕГОВЭ ЗЫДЭГЪЭІЭПЫКЪУ: ДИ КЪУЭШ, ДИ ШЫПХЪУХЭР» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:
Нитэ Джейд зэІущІэхэм кІуэну дапхуэдэут зэрыхуигъэушыр?
Зыгуэр Библием щедгъаджэм деж сыт зэхуэсым щыщхэр къедгъэблэгъэн щІыхуейр?
ЦІыхур Хьисэ и лъэужь зэриувэр зэхуэс псом и фІыщІэщ
Джейдрэ Абигейлрэ сытыт яфІэгъэщІэгъуэныр?
ХъыбарыфІыр зи гъусэу бгъэІу къуэш, шыпхъухэм сытым ухуагъэсэфыну?